\
الحظ
/

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يا حظ والحاله كما كانت أوّل=حيّرتني واحتار بامْرَك دليلي
خلّيتني بين الرجا والتحوّل=أنطر أمل صبحك بتوديع ليلي
أتحرّى وجهك واعتني لك مهرول=علّ وعسى في يوم تصدف سبيلي
يا حظ وانته في عنادك مطوّل=كنّك مغاضِب.. ما بودّك تجي لي
غايب كأنك تحت حظر التجوّل=عن كل مسعى فيه.. شدّيت حيلي
وعلى مسير الغير سعدك ينوّل=حتى حسبتك ما تواطن مثيلي
تعكس عليْ واحيان أخرى تهوّل=ممشاي من دونك بدربٍ جهيلي
تمّيت أداري عنْك فمّ التقوّل=يا حظ.. واستغرِب لموقف زهيلي
اللي على دفتر سنيني تدوّل=كيف امتحى عقب الترف والظليلي؟
ما عاد ينظر غير من طرف أحوّل=عني يميل.. فْقُلت: يا نفس ميلي
عمر الوفا ما ينفعك لو تحوّل=من لا يودّك.. بل يعدّك طفيلي!
ما ني مكلّف.. وانتَ عَن لا تفوّل=وتجرّني خلفك لباب البخيلي
لانّي على ربّي تراني معوّل=يا حظ هو حسبي ونعم الوكيلي
يكفيني ما أعطي ولا با تكوّل=مهما حصل.. راضي بناتج حصيلي
يمكن معي يا حظ ما انته مخوّل=بس الأكيد فـ يوم با تنتهي لي[/poem]

\

((حسن بن علي الروّاس))

ص:64
وهج: مايو 2008

\
دموع العصر
/

[poem="font="simplified arabic,5,blue,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]ولما..=للفرح شلتك حنين أثواب
العًرْي عاتبني=كأني للظنون أبواب
مفتوحه عـ الآخر=وفيك العذْر يسرقني
متى ترمي عن كْتوفي حمل كتفي؟!=وحشني فيك لون البيت
وحشني النوم في لحظة هدوؤك=وانتظارك..
لا خذاك الليل=واصرخ..
إن سمعت الخطوه:=توّك جيت؟!
تعاااااااااااال=أطبخ الليله (عصيده)
واشم ثيابك=أغسلها بدموعي
وأحلِف لك..=أبد ما أسألك: هالمده وينك كنت
ولكنّك..=ولا طلّيت:
تتطمّن على فوادي=كثِر ما رجّ ليلك خافقي.. زلّيت
يمكن لسّه ما حسّيت..=بْدموع العصْر
في غيبة الأحباب=والله
والنبي=وراسك
وألف كتاب=يذوب العمر يا ناصر
ودمْع العصر=بجفوني أبد ما ذاب..![/poem]

/

((ناصر البدري))

ص:56
وهج ـ مايو 2008

\

العهد والميثاق
/

[poem="font="simplified arabic,5,blue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]

بسيطه.. لو توقّعنا بدمعه تنطفي جمره=بسيطه.. صعبه.. تعدّي وصال تكون.. والا فراق
بسيطه مثل ما يحسب من الواحد.. إلى العشره=تهون ولكن الصعبه غرامٍ يتلف المشتاق
طعون الشوق ما ترحم.. تسِمّ اللي نفذ صبره=وسيع البال لو يصبر.. إذا عدّا حدوده ضاق
حزين الدمع.. لو سافر يغيب وينقطِع خُبْرَه=يغيب ويترك الذكرى رسوم تعانق الأحداق
تلاقينا وتجمّعْنا.. ولكن للزمن نظره=تفارقنا وتخالفنا.. على وجهة نظر واذواق
أنا آسف إذا ظنك بعيني هانت العشره=أبد والله ما هانت.. وباقي العهد والميثاق
طيوفك تعصف أفكاري واغضّ بخانق العبره=رياحك ساقت مْزون المحبّه رعْدٍ وبرّاق
كنوف الغيم تتجمّع وتتلاشى بعد فتره=وحبّك ما وقف غيثه.. على مَرّ الزمن ينساق
أشوفك.. والا ما اشوفك.. تلازمني/ وعلى فكره:=كذا تنعم بك عيوني.. وْكذا تحيا بك الأعماق
ولو كان الجفا جمره.. بدمعه تنطفي جمره..=بسيطه.. لكن الصعبه: غرامٍ يتلف المشتاق[/poem]

/

((خديم الريسي))

ص:69
وهج ـ مايو 2008

مدري وش اقول !!!!!!!!!







اصلاً ضاع الكلام




جمال وانت كل الجمال

ادام الله عليك نعمة الشعر والحب والذائقه


متابع

\

من البارح

/

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]وناض لْصبحك الناسك غلا ينثال بظنونك=ترجّل للهزيع.. اللي تثاقل.. قلت: وش فيني؟
من البارح.. تهيّا لي هجوسك ليه ما تخونك؟!=جفل هالجرح للعتمه.. رجع يجترّ تخميني
توهّرْت الحنايا اللي تشب الليل فـِ شْجونك=ألا من جال في هجسه.. وصوته حيل مجفيني!
ترهّل هالثرى حتى يعِنّ الشوف لغصونك=ألا ليت الجوىَ مره يفل الرند فـِ يديني
هنا.. واشّر على عيني.. أروح بعيد لركونك=مسا روق الزوايا اللي تناظرها رياحيني
من البارح.. يرِفْ طاري.. ولا ثرثر عن طْعونك=ولا به شي غير انه يهيّض لاعِج سنيني
لك الله من لواعجها.. على ما جاني: اشلونك؟!=عقب ما ينجزع فيني هجيرٍ من شراييني
وش اللي عجّ بانفاسي ومرّ الشوق من دونك؟=(أناي) اللي على قولك (أنا) جت تسألك: ويني؟!!
سكبت قناد طرّاقك.. أنا واطراقة جفونك=مضى ثلث المسا وانتَ مسرّيها يَا ساريني
تراك اللي مسرّيها.. على تسهيدة عيونك=تجي من بخترة ظلّك.. زمن.. ما عاد يمديني
زمن: ما تنثرك إلا غرابيبك على مْتونك=بقايا اطراف نسرينه تسبْحِبها عناويني
زمن تختال بهمومي إذا سجّيت يطرونك=من اللي هام بك؟ والاّ دخيل الشوق خلّيني!
أمانه.. والليالي اللي تجلجل طيف مجنونك=تثاقل كل ما فيها ظما لا قلت: وش فيني!![/poem]

/

للشاعرة ((هجير))

ص:72
وهج ـ 2008

\

غياب وجهك

/

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]قلنا نْتواصل صاحبي بعْد غيبه=وانته أشوفك زدت لغيابك غْياب
تدري وش أصعب شيّ واكبر مصيبه؟=إنك تحب وما تلاقي لك أحباب!
أسرفت أنا مع أغلب الناس طيبه=ما هو ندم.. لكن بها شرهة عتاب
ومن كثر ما بي يالجروح الرطيبه=أشوفني عاري.. وانا لابس ثْياب!!
يرضيك ياللي عيونك السود هيبه=يصبح مَا بين قلوبنا ستر وحجاب؟
والشوق يشعلني.. واردّ أنطفي به=تقدر تقول بداخلي جرح ما طاب
كل هالسنين أحكي معك.. والغريبه..=ما مرّ في بالك وقوفي على الباب
مسكين هذا الحزن.. شقّيت جيبه=ولا عاد باقي للسهر شمْع ما ذاب
في غياب وجهك إنت.. مليون غيبه=ويبعث حضورك قلب ميّت من غياب[/poem]

\

((ياسر المشيفري))

ص:77
وهج: مايو 2008

\

أطراف الكفاف
/

[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]اعبريني لين آخرْة المطاف=واسكبيني حلم يتحدى القيود
سوسنيني طيش واحلامك ضفاف=واسكبيني طشّ من سحبك يجود
لك أنا مثل امنياتك. باحتراف=شكّليني.. شكّليني.. بْلا حدود
صدّقيني.. شاعرك عاف الهتاف=وانكسر حلمه على باب الخلود
جرجرتْه الرّيح لاطراف الكفاف=في زوايا تراكمت ظَلمه وسدود
أمنياته معلقه.. وارضه جفاف=اغترابه شمْع.. واحلامه وعود
لا يضجّ بْمسمعك مني اختلاف=بين بيت وبيت فكري بك شرود
في عيوني أجمعك (ورد وقطاف)=وسط قلبي أحصرك (طرح وردود)
أدري طبعي غير.. واطباعك لطاف=اجمعيني من شتاتك للوجود
أعشقك.. أهواك.. هذا الإعتراف=زبدة المعنى: بلا حدّ وقيود[/poem]

\

((راشد بن سعيد الشامسي))

ص:79
وهج: مايو 2008