[poem="font="simplified arabic,5,black,bold,normal" bkcolor="silver" bkimage="" border="double,4,gray" type=2 line=0 align=center use=ex num="0,black""]

لا جيت أسولف عن الذكرى بماضينا=يضيق فيني الكلام بسبة العبره

ولا جيت أسولف عن اولنا لتالينا=يضيق فيني المكان اللي على كبره

يافرحة العمر يا ذكراه نادينا=من خلف ذيك السنين ووحشة غبره

اللي عليها رمينا كل امانينا=حتى فقدنا الأماني بقلة الخبره

واللي عليها معاني الشوق تدعينا=صوت المعاني حزين ويحتوي نبره

أحلامنا اليخت والذكرى موانينا=نرسي عليها مع الأيام للعبرة

والحاضر المر ضاقتبه فيافينا=بعيوننا الكون كنه (سم هالأبره)

اخاف الأيام لا مرت تنسينا=حب ٍ دبور السنين العوج تختبره

نعد الأيام لكن ما تعدينا=معها تعبنا ولا ندري وش الدبره

على طريق الموادع تشر ايدينا=واللي على خبرنا ما هو على خبره

قلنا نتصبر عسى هالصبر يكفينا=يا صبر أيوب في بلواه يا صبره

هذي مواجع عليها الوقت ممدينا=من يوم قدت قميص الصبر من دبره

والخافي اعظم عسى الله لا يورينا=مكروه الأوجاع والهوجاس من سبره

(غول المأسي) إذا ما مر يشقينا=نحسب حسابه مع الأيام نعتبره

وما كل ما صابنا بالكون يخطينا=وما كل كسر الخواطر ينفعك جبره

أحيان الأشواق لا قامت تمنينا=من (مهد) الأحساس تاخذنا إلى (قبره) [/poem]

هنا .. شعر حقيقي
وشاعر يشخص حالة تذوق من يدها الكأس المسموم
للشعر رسالة تمرر من تحت الماء وللفكر وقفه
تنصف الشعر والشاعر بعيداً عن غول المأسي


هنا شعر بالتأكيد هنا شعر حقيقي
وهنا شاعر يتكئ على تجربة وشاعرية وتمكن ..!


الزيادي