المشاركة الأصلية كتبت بواسطة عبدالله سماح المجلاد (المشاركة 492642)

حتى لانغادر قلوبكم لغيابنا الإجباري ولأنكم في القلب في كل وقت
[poem=font="traditional arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

جرح الغلا ذبّاح ياماجد الزيـد= ياهو مسوّي فـي حياتـي سوايـا

مِنْه اجْتِمَعْ بي، حِزن الايتام بالعيـد=وظلم الملوك اللي تدوس الرعايـا

الله وكيلك من رحل باشة الغيـد=عَرَفْت معنى موت بيـض النوايـا

وَلاَ بقى من يوم غاب أتْلَعْ الجيـد=إلاّ حديـث الأمكنـه والزوايـا

ومراره،وضيق،ومواجع،وتنكيـد=وخضر الطعون اللي تركها هدايا

وصدرٍ من الحسره يجـرّ التناهيـد=وعينٍ بكت لفراق عذب السجايا

مليّت اسوق اخطاي في جرهد البيد=حتى نِبَتْ دربي ذنوب وخطايـا

صيف الغياب انتج جفاف العناقيد=اللـي منابتهـا بِعَـوْج الحنايـا

لي عام مابلل سحـاب المواعيـد=غصني ولا جاد السمـا بالعطايـا

واللي غلاه مزوّد الوضع تعقيد=أخشى من غيابه تبيـن الخفايـا

ومادام وقتي طير وجروحي الصيد= وكَفَّيْه من دم الطــرايد ملايا

ماظنتي برتاح ياماجـد الزيـد=وترتاح في جسمي جميـع الخلايـا

[/poem]