"


تعالي.. نشغل الليل الأخير بنقشة كفوفك
................. نقهويه الغدير اللي انبح من نبعه الظالم

تعبنا واللقا مثل الغبار بطرْف نفنوفك
............... وش المانع تلاقيني هنا.. في خارج العالم؟!

"

"

عصفور.. محتاج له شبّاك
........................... شايل للاشجار معزوفه

من وين ما غرّد بلقياك
........................ جتْه المواعيد مخْلوفه

لا تحرمينه نشيد رْضاك
....................... لا يحتضر طيرك بْخوفه

عصفور ما له بلد وافلاك
....................... أما عْيونك.. أو حتوفه!

تدرين لوُ ما حصَل ملقاك؟
...................... هذا الفضا طاحت كْتوفه

من وين أبا اعشّش بفرقاك؟
..................... وكل الشجر يصقل سيوفه

يا نور.. كل المدى لولاك
.................... عينٍ بالاعتام.. موغوفه!!!


"

"


[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]متورّطٍ بالناس=من يوم ميلادي
لا نبض لا إحساس=وشعورهم سادي
لولا كثير الباس=بانحرْك يا اكبادي!!
اليوم وزن الماس=ما يْعادِل الصادي
متورّطٍ للساس=بالمولد العادي
قلّوا معاي الناس=واكثرْت أنا بْلادي[/poem]


"

"

إذا خانت محاصيلك

وحصل لك ما يصونك حَدّ

خذ اليابس من أطراف الزمن ميعاد

توسّد لعنة الميلاد

تودّد حيل جلاّدك

ولا مرّه تحس الطين في نيلك

ولا تواخذ شقوق الناس وسط قماش منديلك

إذا خانتّك أحلامك

قل إنكـ غضّ ما تكبر

قل العمر النظيف أبعد من سهيلك!

وجنابك ما سمعت الصبح

ولا شبّت قناديلك!!


"

"

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]أحيان أحس انّي بباب المدينه..=حارِس على سور القلوب مْتسمّر
واحيان أشوف الأرض سكّه حزينه=عاش الجميع بْناصيتها مْتدمّر![/poem]

"