|
لو كل كلب عوى ألقمته حجرا ً . . . لصار الصخر مثقالا ً بدينار المتنبي وفي رواية الشافعي |
حمد عايد الشمري
تعالي..! لعن أبو ظرفٍ وقف من دون لا تاتين تعالي..! كم أنا مشتااااق,,! أضمك يا بعد عيني!! صحيح إن الزمن دوار.. وصحيح الوقت هذا دين عقب ذاك اللقا .! هالحين وين إنتي وأنا ويني؟ ألا يا سيدة جرحي.. عسى مابه حزن تشكين؟ وعسى! ما للفراق جروح .. تهزك يوم تطريني وألا يا أعز من مر الخفوق وشافته هالعين على عهد الهوى باقي..! ولو خانت بي سنيني لأجل عينك همل دمعي!! مثل ماأنتي علي تبكين وأبد ما وسوست نفسي ..وقلت إنك نسيتيني أعرفك زين يا عمري.. مثل عطر المسا.. توفين بخيلة حيل ب( حضورك )...! ولكنك تحبيني صحيح الوقت قفّى بك..! وعلمي في لقاك سنين ولكن طيفك بدمي جرى بأقصى شراييني أشم" عطرك" ف(منديلٍ), أخذته دون لا تدرين أحسك" فيه" وأنا أدري إذا أحسك تحسيني أضم سلسالك ف( يدّي ) وأقول أنتي يا عمري وين وأنا أدري في كنف غيري سكنتي لو عشقتيني أناظر " صورتك " وأدري..عليها منكتب حرفين وأنا أذكر كم قلتي لي ( أمانة ) يوم تعطيني أناظرها ف( كل ) ليلة..! من فراقك إلى هاللحين وأقول الله يجمعنا..! وأنا أدري وينك وويني! أمانة.!! وإن مر طيفي على بالك فلا تبكين وأبد لا يأخذك هم ٍ سكن من غيبتك فيني قدر مكتوب .. والدنيا مثل ما قلت لك هي دين!! وحان الحين ياعمري نوفي دينك وديني |
حمد عايد الشمري
لمي حطامي في يديك وعطيني عذرٍ ينام فـ عتمته (ذنب الأحباب) البارحة .. عانق غيابك حنيني وأشعلت للذكرى / تفاصيل غياب البارحة طاحت من أهداب عيني حبايب وذكرى / قريبين وأغراب من صدمتي !! مرت عيونك تبيني أكفّن طعون المحبين بأسباب كيف أنصفك ؟واللي تركتيه فيني ظلم ٍيشرّع للنهايات الأبواب كم قلت لك : بين ارتيابك وبيني حلم ٍ توارى في متاهاتك وغاب مدي غيابك وارحلي واقنعيني إن الوفاء كذبة محبين وأصحاب وإني فزحمة مامضى من سنيني عجزت لا القى لأصدق احساسي أحباب |
يقول عتبة بن غزوان أحد الصحابة الكرام : أعوذ بالله أن أكون في نفسي عظيما ً وعند الله صغيرا ً تمعنوا جيدا ً بهذه الكلـمة |
بدل من أن تلعن الظلام ألف مرة أشعل شمعة " مجهول " |
عبد العزيز العميري
دخيلك علمي ارض الجفاف ان المطر معذور __________مدام ان( السحاب انتي) وبيبانك هي الاحـلام حبالك تنْفلَـت والساقيـه مـا بلَّهـا الْمنْجـور ____________ نخيلك هالكـه والغيـز مايمْـدي إلـى قـدَّام شبابيك الامل صارت تضمِّ العور بعْد النــور ____________ ومفتاح النظَـر من قسْوة الحاجـه غـدى نمَّـام نلوم القمح أو نبكي طواحين الشتـا المغـدور ___________حصاد الصيف ما كفَّى يصون الفارس المقـدام حصيرالفقْـر لو خان الصباح وْماهداه فْطـور ___________ نلوم الصبح أو فقر السنين الناحتـات عْضـام عصافير الربيع اللي تهاجر تاركـه عصفـور _____________ تعاف القمـح وتْفـارق بـلادٍ تخْنـق الاقـلام رغيف الذلَّ / سيجارة فقيـر ٍ رائحـة تنـور ____________ شبَع من كثْـر مـا ادْمـن جـروح الآه والآلام يـعطَّار الزمن يكفي .. ترقَّع ثوبـه المشتـور ___________ نذَر لك جلده الميِّت .. ترفرف به كما الاعلام رحى تطحن ضلوع الصبْر تحْفر للقلوب قْبور ___________ ويبْـقى للجسَد خبـز العـذاب بْسلـة الاعوام رصيف الشارع الصامت وطفْل ٍ حافي ٍ مقهور ___________ ورمضا شارعه تكوي.. بكى من حرقة الاقدام متى ياشمعدان الحب تهْـدي للنفـوس شْعـور __________ متى دور الترف تدري...إذا جاع الفقير وْنـام على الميعاد يا كوخ السنين البائـس المكسـور __________حطبت الجوع لك قربان واغْفر زلَّـة الايـام |
عبد الله بن زنان
تحت جدر الشتا واقف لحالي مالقيت الباب أدور في سما الفرقا عليّ وضعت في عيني أقلّب في سحاب الملح وجهي مالقيت أحباب والقى الدمع هو أوفى صديق يصافح ايديني ينازعني ممر الموت في درب الشقا الغلاب وأداري خطوتي واكسر عظامي وأتجه فيني وألاقيني أرتب في الحنايا وأحضن الغيّاب وأنقشهم على صدر الجروح بخنجر سنيني واسميهم بغير اسمائهم لجل أطعن الأسباب وارجع بي لهم وآصيح في دنياي : سميني سميني نهر عابر / مطر غايب بحضن غياب سميني مسا ولا أسى مزروع في طيني سميني غريب يعيش عمره في ديار أغراب سميني وطن شعبه دموع يعيش تأبيني ومهما كانت الأسما ومهما كانت الأطناب خيام الليل تلجا بي وانا مضيع عناويني أدورني على رتم الرياح الجايره وانساب مثل قطرة مطر تلجا بخوفي قبل تبكيني ألا وش حيلتي في هالزمان الغافل الكذاب ألا ياكيف بلقى لي وطن لو متّ يرثيني بذور الإنتما ملّت وشمع الراحلين ثياب يلبسها العنّا والبس جروحي في دواويني دخيل الجرح يالفرقا تعبت ولا عليّ حساب دخيل الموت ودي أبتسم لحظه والاقيني يمرّ العمر في خصر الشتا وحدي بدون احباب وطيري في سما الفرقا كسير وطاح بايديني ..! |
يقول ُ إبن ُ أبي طالب علي فلا تـُصاحب أخا الجهل ِ وإياك وإياه ُ فـكم من جاهل ٍ أردى حليما ً حين َ أخاه ُ |
| الساعة الآن 12:13 AM |
Powered by vBulletin® Copyright ©2000 - 2025, Jelsoft Enterprises Ltd.