|
عَاللّومّة وْبَحَشو أرْضي
وْدَفَنو كِدْبُنْ بِهْدوما تَنّو التّاريخ يْصَدِّقْ وِيْبادِلْهُم لِهْموما بسِّ الأرْضِ إلتِعْرِفْهُمْ لَفْظِتْ كِدْبُنْ كَشْفَتْهُمْ وْقالِتْ يَلّي بِتْصَوِّرْ إوْعَكْ يومِ تْصَدِّقْهُمْ أرْضِ فْلِسْطينِ لْشَعبا دَمُّنْ خَضَّبْلا تُربا عَرَقُنْ ريحو عَشْفافا ميراثُنْ طِفْلِ بْرَحما يا شَعْبِ العالَمْ إصحا واوعَكْ تِزويرُن إوعا صَبّاري إلفوقي بْيِشْهَدْ إنّو خْبارُن مَوْهومَهْ عاللومة ويا لوّامي نبشوا حتى العضامِ ي قبر جدي وعمامي خليها على اللومة يا حكام الرجعية ي سرقوا بيري والميه ي وعدادن عالحنفية ي خليها على اللومة يا عربي سدّوا نَفَسي حتى بليلة عرسي شكلن جابلنا النحس ي خليها على اللومة يا فاتن بنت بلادي=ما بنرضا بالجلاد ي احنا رجال الشهادة ي=خليها على اللومة |
عاللّومة وْفاتِتْ مَرّة
لي أقْصانا هالبومَة تِتْبَخْتَر جَنبِ الصّخرَة وبالسّوق تبثّ سْموما ثارت شَباب بْلادي واغتمّ الطّيرِ الشّادي وِجْنون النّاس تْحَوّل نار بْصَدْرا وِهْدوما نَتَفو ريشا لَلْبومِه وْخَلّوها تْتوبِ تحوما مهما تِكْبَر يالعادي قُدسي لَوْلادا دوما عاللومة وما حلى القبة ي مسجد الصخرة حبي يا فاتن انتي شبّة ي تشفي جروح المكلوما صهيوني متل غراب ي ينعق وسط الخراب ي بكرة مرِّ الشراب ي اسقيه ابن الملعونا يحلى ببلادي السامر في مرجك يابن عامر فاتن بصدرا عامر حبك يا فلسطينا |
عاللّومَة وْزَهّر دَمْعي
منِ جمارو تْكَحّل شَمْعي يوم التّاريخ قريتو عَن شَعْبي هالمَكلوما كان الشّريف يْراسِل مَندوبو بالرَسايِل يِضْحك عليه بكِدْبِه ولَلعادي قَلبو مايِل بِلفُر يِعْطيهُم وَعدو وِيْعَشّمهُم بِبلادي والعُثماني الجَهّلنا نايِم بالعسَلْ نوما هِجراتُن بِدْيَت تِكْثَر ونْيابُن بِدْيِت تِكبَر والعُثماني عَمْ يِشخَر ما تِيصَلو لِعْلوما يومن هالطّبخَة اكتَملَت قوّات الجّهل انهزمت والشّعب الهون توهّم إنّو بأرضو رَح يِغْنَم لكنّو ما كان يِعْلَم إنّو أحلامو مَوْهومَة يا شَعْبي الحالِمْ إصحا واوعَك تِغْفا هالمَرّة مهما الغاصِب يِتجَبّر جِذرك بالأرض بيكبر خلّي سلاحك يتطوّر بالعلم ضلوعك تِعمَر حتّى نذوّقهُن سَمُّن لِبْكاسُن شَرّبونا عاللومة وسايكس و بيكو مكماهون يربيكو انتا يا حسين شريكو رايح بسابع نوما بلفور بيعطي وعدو ليهودي بأرضي قصدو يخلف للعرب عهدو هالنذل ابن الملعونا |
عاللّومَة وْهَجّو حْبابي
خَطْوُن خَضّبلي تْرابي قالوا بُكْرَة رَحْ نِرْجَع وأخَدو مِفْتاحِ البابي وِغيابُن طال وْطَوّل وِقليبي جَمْر تْحَوّل هالعالَم يوعِدْ فيهُم بسّ قْلوبُن مَكْلومَة وِبْيوتُن خَلَعو بْوابا وِسَكَنو وْصارو أصْحابا وِحبابي لِسّا يْصَلّو إنّو يْدوسو عَعْتابا يا حادي العيرِ إوْصَلُّن عَنْ لوعاتي خَبِّرهُن إنّي بأرضي هَسْتَنّا وانطِر مِنْهُمْ لِعْلوما عاللومة شعبي تهجَّر بخيانة وغدر وعسكر مندوب السامي يمكر يدعم نذل الصهيونا لا تستنا قرارات ي يا شعبي بالشتات ي الثورة شمس الآتي يوم النصر الميمونا بكرة جايي بسلاحي حامل برضو مفتاحي بداري أداوي جراحي يا فاتن يا مزيونا |
عاللّومَة وْهَجَّرُونِي مِنْ بِيتِي وْشَرَّدُونِي وِصْحِيتِ لْقِيتِ العَتْمِهْ في صُبحي ما بِتقومي أتَريهُم سَرَقو شَمسي وضَوّي مْخَبّا بِهْدوما تَرَكو صُبحي عَمْ يِبْكي وْقَلْبو مْعَبّا بِهْموما شعر قريب من الروح ولغه مُدهشه وملهمه هنئياً لكِ بهذه اللغه |
اقتباس:
سعيدة حروفي بمصافحتك الرّاقية اخي |
| الساعة الآن 10:44 PM |
Powered by vBulletin® Copyright ©2000 - 2025, Jelsoft Enterprises Ltd.