الشمس فـ أهدابي

حزين وحاجة في نفسي تقول أن لي أحد قد غاب
ياربي مين غايب لـي؟! وألا مين غيّـابي؟!

عشان أفهم طفل هذا الحنين لمين؟! والمحراب؟ّ!
لمن تدلي ظلالي بفيّها؟! والشمس فـ: أهدابي

مشاعر تاخذ (ا) شفاهي من الضحكة وقبل أرتاب
تسوي ضحكة لشفاهي وتيبس ورده فكتابي

بحر نظرة عيونـي فـ: الشفق، والنورسين أغراب
وترجع أمهات الملـح إلى الشطـآن بأسهـابي

إلـى هـ: الحد ما عندي حيـاة، ولا متون أصحاب
عشان أن طاح جمّال الأمل تركي له أصحـابي

وحيد أشبّـه شعور الغـربة الخرسا مابين البـاب
وبين "آخر زيارة" نقشها للحين فـ: أَعتـابي

أغنّي عن نحيب الناي حزنه لين ماينساب
شعوري للبكا دمعــة ، وأدوّر ظل لـ: ثيـــابي.!

ياليت أقرا عيون الناس يا سلمى واحسب حساب
عواقب طيحتي منهـا قبل لا يغـدوا أحبـابي

وأنا المهموم من نصف الشعور/ وقِلـة الترحاب
وأنا اللي غاب عن كل القلوب، بداعي اسبابي

تكبّرني الحيـاة، وكلمـا صوتي في صمتـي شاب
كتبت الشعر للمنفى ورحت أهيم فـ: أسرابي