(( حياة بنكهة الفولاذ ))




سِجِنْ .. يرسمْ .. أَلَم .. مسجون
____________سجين وْصار ِحيّ بّنكهة الفولاذ !

بعذره لو تَرَاما وارتمى مجنون
_________حبيسِ يْشمّ [دنيا] وعطرها الأخّـاذ

(( صمت يملأ الأفواه ))





صمتي ملا افواه المدينه
_________صمتي نطق حرف الكآبه !!


كلّي حكايـاتٍ حزينــه
__________تحكـي معالمها الكتــابـه

(( انتظار .. فـ انتظار .. ))




ذي ساعتي
تحكي
عن احزان انتظاري ..
.
.

ذي وردتي
عيّت
تداري .. فانتظاري ..


انتظر والشوق يذبحنــي
_________ واكتب الكلمـه وانا مكتوب !
انكتـب حبّي وجرّحـنــي
_____ حرفها القاسي وانا المشطوب !!

(( قيض وجفاف ))






جفاف شعور ولا قيض بشعوري
___________اعرف الحال حال المبتلى البالي

نساني هاجسي وماعاد فـ مقدوري
___________وحتّى الصوت ضاع وضاع موّالي

وقمت اشعل لهيبي وماشتعل نوري
____________وّكساني هالرماد ومابرى حالي

وحتّى الغيض عيّا يقتحم سوري
__________وصبري صار فيني حضرة الوالي

ابغتال الصَبِر من شان جمهوري
____________معاناتي وحلم .. يرافق ظْلالي

أغيب ولي حروفٍ تفضح حضوري
____________وزهرة تسلب التفكير في بالي

قتلت الحال لك يازهرة الجوري
___________وجاورت القوافي وزانت احوالي

إهداء لـ صديق اسمه خـــاطر

.
.
.


خاطر :
كتبت القاف لجل استوطن
احلامي
واحولها لواقع..
حالم الطابع .. واقرب من مجرّد
امنية حالم !

اخوي خاطر :
كتبت القاف
لجل انثر اتعابي
وأزرعها اماني ..
يمكن احصد بالنهايه
قاتل اتعابي

اخوي خاطر:
كتبت القاف يوم انكتمت ْمن الوهم
واتعبني القاصي من احزاني
وعذ ّبني القريب المبتعد
.. هذا قريبٍ ظالمٍ بابعاد
.. وهذا قاصي ٍٍ قاسي بقربه !

آاااااه خاطر :
كتبت القاف باشكاله
أجي مره أقــــول :

عدّيت انا رجم الخـــلا
______وكزّيـــت انا قلبي الكتوم
واعلنــت للغالـي الـــولا
______من يومها وقلبي مْحروم

خاطر :
بكل اشكال اشعاري
اقدّم اعترافي
" كتبت القاف لسكوتـــــــــي ... !!! "

(( كلمة غضى ))






كلمةٍ تكتم انفاسي وتشقيني
_____________لو رماني الدهر مانيب قايلها
ضاق صدري وصبري ملّ يعطيني
___________قلت أو ماقلت ماترمي عمايلها
بي هجوس من الكلمه تعاديني
_____________مرةٍ هي تطاولني واطاولها
جمرةٍ شالها صدري وتصليني
__________من لذعها شفِ اضلاعي تبادلها !
ماعرفنا لها وياقربها فيني
______________ليتها مثل اعدائي وأقابلها
والعجب جيت أبخفيها وتعرّيني
_____________خافيه تظهر بوجهي دلايلها
وين مارحت ؟ للغربه عناويني
_________صرت انا وكلمتي بالغصب أمايلها
ابتسم وانثر الضحكه وفي عيني
________غمضة اللي تشوف هموم حاملها
ضاقت النفس منها وصارتِ تجيني
____________اوعد النفس انثرها واماطلها

.
.
.

كلمةٍ تكتم انفاسي وتشقيني
_____________لو رماني الدهر مانيب قايلها

(( غيمة أمــّـي ))




غيمةٍ تنعــش آمـال ٍ كستها التبـاريح
___________غيمــة تطلق احـلام ٍ وتحيــي الشجــون
كم صلاةٍ نصلّيها بهـا كثر تـسـبيــح ؟
______________نرتجي هطلهـا يـوم اتركتنـا المــزون
تـِـفرح المرتجي لي ناض برقٍ بتلويح
_____________ينتعش خافقه والريح تثنــي الغصـون
يبـرق البارق الصيّـاح كنّه مصــابيـح
____________في يدين العدل يطلق ضحايا السجـون
والمطر لانتثر تسمع كــلام و تصريـح
_____________بينهم .. كنّه يـْـصارح ويـجلي الظنون
والمطر كنّه ِ يـْـدين المراضي بتمسيح
_____________قال : أرضى وانا راضي ولحد ٍ يخون
سال دمّ الأراضي \ سيلها يبهج الشيح
____________والبست لبسها ( العيدي ) بها كلّ لون
ينتعش صبحها لي صار للطير تصبيح
_____________والندى يطرب الما الّي جفاه السكون
وانتشر ناسها كنّ الأمـل جاه تلقيح !
_____________من طـيور الحياة الّي غلاهـا الفتـــون
نعمةٍ حبلهــا شكـر الكـرام المفاليـح
_____________يابشر شكرنا نْشدّه ومن غيـر عـون !
مثلهم آااه يا يمّه أنا وعاصـف الرّيـح
____________شوقِي الّي هــواها عـطْـــرِ امٍ حنـون
نورها الّي سناها تعطِيَ العين تفتيح
_____________آااه ياواهنــي لو تحتـويـك الجفـون !
حظّي اليوم طفلٍ حبّ لعب المراجيح !!
___________لاعبٍ بي ومادامك معي هو يمــون ..!
ذا كلامي وقولي كنّ بالوصف تجريح
________وان سمعها أَحَد تمتم : إهي وش تكون ..؟!

http://ektob.com/uploads/jno0on_bloodart13.jpg


أَدْرِي مَحَدْ منكم سَأَلْ عَنّي
أبد ماهي غريبه
من قبل محدٍ سأل
ألحين يعني
هالسؤال ؟ !

_____

* نسخه من موضوع معرض وتعليق