المشاركة الأصلية كتبت بواسطة صالح الثبيتي

[POEM="font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]خيالك مر في باللي حكايه عابره بسكات = قصيدة وانتشت فيني بها الابيات مبهوره

تذكرت الزمن كله وزاد بصدري الدقات = وقمت الرسم على أوراقي ملامح تشبه الصوره

ذكرت الماضي وحزانه ذكرته سالت الدمعات = تعبر عن معاناتي على الخدين منثوره

غريبه قصتي يا بنت وش اللي اذكره مافات = سنين العمر تتسابق بها الافراح مجبوره

ذكرت البيت وظلاله وناساَ تعبر الساحات = وكم صلنا وكم جلنا وكم لك يا الزمن دوره

ذكرت امك تناديني وكن ما لزمن ساعات = تناديني تقول ارجع تبيك العمه مستوره

وجيت بكل ما فيني بخافك ممتلي لهفات = اسابق خطوة ارجولي وشوف الخطوه مقصوره

تذكرت الشقاوه كيف وكيف انكسر اللعبات = نجي بموعنا نبكي نقول اللعبه مكسوره

تذكرتي مثل مذكر او اني وحدي بلحظات = مع ذاك الزمن ياله نعيش ايام مدثوره

ذكرت ابوك لا عود على الديره نقله هات = يطلع كيس في يده مخبي فيه تنوره

اشوف الفرحه بعيونك تعطر ليلنا بنسمات = اقول الله ما اروعك زتي بالقمر نوره

ذكرت العود و هواشه وكم للعود من صيحات = تخوف حيل من يسمع وكل الخوف باكوره

ذكرت ايام ما ادرس اشوفك ارسل العبرات = انا ودي معاك اجلس وشوفك بعد مقهوره

ذكرت اشلون جلستنا على الفانوس بالسهرات = احل الواجب المقرود خوفي ينطفي نوره

ذكرت اللي يدرسنا وكيف انه تجي مرات = على يدي اثر ضربه وحكيلك مدى جوره

ذكرت اني انا مره كتبت اسمك على اللوحات = على باللي تبي تبقى حروفه صدق محفوره

ضحكت بكل ما فيني تعالت في المدى الضحكات = رداة الخط والادهى كتبته لك بتبشوره

انا مدري وش اللي فيك يجذبني بعض اوقات = اش اللي داخلي يكبر ويتجدد بعد طوره

ذكرت اول لثاماتك وكيف ان القمر قد جات = غيوماً مظلمه عني حجب صافيه وبهوره

وجيتي بغير عاداتك اش اللي غير العادات = ابا اعرف وش حصل مني يغير طبع اموره

ذكرات ايام نتقابل صحيح الوقت اله لذات = اشوفك تكبري مثل وقلبي زاد بحبوره

نعيش بوقتنا كله نعيش بعالم السجات = نقضي يومنا كامل اشوفك حيل مسروره

ذكرت اعذب عباراتك احبك اجمل الكلمات = غشاني بعدها احساس خفوقي ما قوى شعوره

ذكرت احلامنا بالحب وحلمك ذاكره بالذات = تقولي لن كتب ربي ابطلع بنت دكتوره

وحلمك يوم نتكلم عن البيت وعن الصلات = وشرطك لازم بحوشه وحوشه فيه نافوره

ذكرت الغيره القشره اذا زودتي الطلعات = نشب النار في صدر وبركاني بدا ثوره

ذكرت اصعب معاناتي انا ادري لزمن صولات = خبر رحلتك عن داري وجت تحمله الي نوره

وقمت اصرخ بعالي الصوت تعالت بالمساء الصيحات = وفي داخل عروقي الدم توقف سيره ودوره

وقمت ابكي على حظي وردد من القهر اهات = وش اللي صار في حبي وش اللي غير سروره[/POEM]