ألف ألف مبروك ، بجي أزغرط لك كمان الحين .. مو قادرة أفتح عيوني زي الناس ... عقبااالي، وحدة سهرانة تقطع في نفسها و هي تحفظ تاريخ الأدب و تحلل في النصوص الي عندها و أهم شي: تسأل نفسها هي ليه دخلت جامعة أصلا ؟!!!! كان ريحت راسها و نامت ...

إذا مشكلتك في الإصغاء الجيد للتساؤلات..!
حاول أن لاتستمع جيدا:)

اليوم الثلاثاء .. كان يوما عاديا جداً ..
حتى الساعة الثامنة عندما اتصل بي رئيسي يطلب مني الحضور لمكتبه ..
أحسست بخوف لأني أمس استأذنت في تمام الساعة التاسعة .. بالعربي (شردت) كعادتي عندما لا يكون هناك عمل أؤديه ..
ما لكم بالطويلة .. << قلبت ما تقدر تكمل بالفصحى
المهم ذهبت لمكتب الرئيس وأنا أحمل قلبي بين يدي وأحدث نفسي .. اممممممممممممم سوف يقوم بتوبيخي لشردتي .. << أوووووووووووم اللغة
طلب مني الخشوش لمكتبه وتسكيرة الباب خوفتني أكثر شي .. قلت بيني وبيني .. إيه عشان لا حد يسمع صراخه علي ..
قعدت ع الكرسي المقابل له تفصل بيننا الطاولة .. وكنت أنظر للأشياء المصفوفة فوقها خوفا من أن تنطلق واحدة منها نحوي ..
سألني عن أحوالي وأحوال إبنتي المريضة .. وكنت أردد الحمدلله .. الحمدلله .. << من الخوف ما لقيت شي أقوله
بعد السلام والإطمئنان .. قال لي: منتهى مبروك .. << كنت راح اقوله على ايش انا متزوجه من زمان وأصغر بنت عندي عمرها 13 سنة ..
سألته بخوف وتردد .. على أيش تبارك لي؟
قال: جاتك ترقية .. انصدمت وما عرفت ايش اقول .. شوي الا الدموع اربع اربع .. شوي صاروا ثمان ثمان ..
بصراحة خجلت .. قلت له: شكرا وان شاءالله أكون استاهل هالترقية .. قال: تستاهليها وعن جدارة ..
وقعد يعدد لي محاسني في العمل وزين ما جاب سيرة الشردات .. قمت أنا وجبتها قلت له بس أنا كثير أشرد..
قال: أنا مقدر شرداتك وانتي تستاهلي كل خير وتستاهلي أكثر .. جان ما أقدر أمسكني وأبكي أكثر ..
الوهقة إني ما كنت حاملة معي كلينكس .. كيف أمسح دموعي .. بكم العبايه مثلا؟
شوي فتح الدرج حقه .. كنت أفكر انه راح يعطيني شوكولاته بس خاب ظني .. أعطاني كلينكس ..
شكرته وطلعت مو عارفه أضحك ولا أصارخ ولا ايش اسوي .. مدري ..

وبس ..

نسيت أقول لكم باركوا لي ع الترقية ..

ههههههههههههه

أجل كنت طامعة بالشوكولاتة

انت سالفة جميلة لاتنتهي

مبرووووك على الترقية

أقصد مبروك لزملاتك وجودك بين ظهرانيهم...

تحياتي