|
كسور مُجازة..!
[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
" شاب المكان حْقول شوك.. وسكاكين=يشرب من أهل الأرض (سقّاية) الدّم! وانا المآذن تحت صدري ملايين=دمّيتها بطبشور ضلعي من الغمّ يا رافع بنجواااك.. حزن المساكين=إياك.. ثم ايّاك تستعطف الصمّ خذ صوتك المسموم بانشودة الدين=واحرق ثياب رْضاك/ برضاك واعتمّ! لاشك عُمر يديك عمر الرياحين=وتحت أخمصك للملح رزْنامة اليم! أكبر حقيقه بمهدك تعيش للحين=إنك حملت بساعتك معصم الهمّ! "[/poem] |
" [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]كيف أمسّي بخير بيبان المدينه..=والمدينه تعيش باسوار المقابر؟! يا غلابه.. يا أوادمنا الحزينه=كل عام وموتكم بيت ومعابر جيتكم من مولد الروح الأمينه = شايل أخطائي بلا صوت ومنابر جيت أدّور للتعب دار السكينه=داخلي كسْر الزمن.. محتاج جابر وين أبا القى لو مجرد ياسمينه؟=والبيوت بناسها شوك ومقابر؟![/poem] " |
" [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]رماد الغايبين اللي نسوني حارسٍ للنار=ذريته للحنين وشبّت الذكرى من أهدابي وقفت آكبّل الليل البهيم بمشعلي.. والدار..=مِشَت.. قبل الشموس تصافح الخطار بابوابي إلى مْتى يالنظر واجنيك بسلال الخَراف غْبار؟=متى النخل الكريم بضاحيتنا صار حطّابي؟! ترى المقفين ما كانوا هلي.. كانوا لي الأخيار=نخالة حارتي.. يوم الصداقه كوكبٍ غابي نسوا لا يذبحون اللهفه اللي بخافقي جزار=على عظامي تسنّ حدودها وتقطّع أعصابي دخيلك يا سما هاتي من بطون السديم أغوار=مَادام إن البراح أضيق من إنه ياسع ثيابي أنا مَا ادري الذي خان بربيعي كانت الأشجار..=أو انك يا شجر عمري عجزت تصادق ترابي هنا با اوقف.. على حدّ المرافي أو بباب الغار=يَا إمّا غلطة البحار ردّتهم.. أو غيابي أمانه.. يا نحول الأمنيات بصوتي الثرثار=أبي من طول ما قلت بزمان السوّ.. محرابي غسلت البارحه صدق رْطبي باكذوبة الأنهار=وأقسمت بصحاري الغيّ يومٍ تنبت أعنابي تعبت أرمي بوجهك يالظلام أقصى فحيح النار=ولا صبّت على موقد عيوني.. ليلة أحبابي!![/poem] " |
كسر آخر.. مباح!
" [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]كن الكراسي في حضورك مراجيح=والشاي ما هو شاي.. حزمة أغاني جيتي وحلم الناس حولك مذابيح..=برموشك اللي تخطف أغلى الأماني إنسان.. ما لي في حياة المصابيح=مزروع أعد الليله بليل ثاني أما اعبري بي شط حزن المجاريح=والا اتركيني مثْل ما كنت.. فاني![/poem] " |
" [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ياخذ المهجر تعبْك السرمدي=ويْتحدوب ظهرك الجافي بلاد ما توقّف ساعتك.. يا ابني تْعَدي=للزمان التافه برسغ الحياد لا تسالم.. لا تسالم.. يا بْعَدي=إمْلي ضلوعك بطعنات البعاد قلت: يا صوفيّتي.. وين آغَدي؟=كلّما عمّدْتِني.. طاح العِماد! بين ما آنا للسما يا مولدي=وبين ما أرضي زنازين الكباد.. كم لي المنبوذ في برج الجدي=والنجوم رصاص.. وعيوني زناد عابر بزحمة فضا الصمت وْحَدي=ما لقيت بشاسع أكواني عباد شلتني بايدي لشطّين جْسدي=يا منافي الروح.. ما مثلك بلاد![/poem] " |
" [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]تسوسني يا مومس المعلاق.. يصغر داخلي..=أوسخ جذِر.. دسّوه في غفلة مواليدي نسَب! مْن الغجر جيتك وانا نسل النشامى كاهلي=دخيلك ارويني غبا النزوه بليّا محتسَب الله يلعن كل أبو زفت السلاله يا هلي=وطّنتني بملهى (دخان الليل).. لا فصْل وحسَب!![/poem] " |
" [poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]منتهى الحقران فرعك بْشجره=بالخنا حبلى وهي ستّ الأمومه! في الصبا تحصد لك أكواز الذره=وتكبر بطعنة خناجرها الكتومه كنك المعتوه بغواية مرَه=غدرها في حضنك الوافي نعومه مهْجري ما كان في يوم ثْمَرَه=منفيٍ قبل العمر يعلن قدومه من هنا.. ما عاد لي في الذاكره=لا خرافة خال.. واسطورة عمومه!![/poem] " |
" لفافة تبغ.. منافض ما رمت راس الثقاب أعوام وانا الملم جسد ما نام.. ولا بساعة زمانه رسغ.. أشوفه مرميِ بشقه ولحظة قام: سأل وين العمر يبدا.. من البيبان؟ من الصاله؟ إلى الـ..... ــام..؟!! " |
| الساعة الآن 04:31 PM |
Powered by vBulletin® Copyright ©2000 - 2025, Jelsoft Enterprises Ltd.