|
لي عين ف أحلامها دايم تحطّ وتشيل لين أخجلت شوفها ( خيرة مقاديرها ) ماني كثير الحضور ولاحضر بالقليل لو شفت بير الحياه أرهت مصاديرها عندي كاريزما (ولي مبدا) وحظي بخيل كيف أكسب أيّامي اللي ماكثر خيرها |
فالطريق اللي على وصلك بعد غيبه دعاني خايف من الوقت يمضي والطريق أرهقت طوله ولاوصلت الا بعبره خالجه بين المحاني تحتوي فرحة وصول وشيء مدري كيف أقوله ! في سماك الغيم متماسك بخيط من الأماني كم تمنّيت أوصله هالغيم وأجذبك بهطوله كيف أقول ل مرحباك أهلين وأهديك الأغاني!! وكلّ كلمه لانويت أقولها .. مرّت جفوله الكلام يخاف مايوفي .. نحرك الأرجواني من لبسه العقد وأحرج عاشقك وأربك ذهوله ! وقفتك ! هذي شموخ وفرحتك مسرح غواني وغرهدة يدّيك جابت لحظة الصمت الخجوله .. ( ساعة إحساسك )خذت قلبي على تكّ الثواني مابقى عرق بزفيره ماتنفّسك ب ميوله .. ماني معاتب غيابك لو تلعثم به لساني كل عقده في لقى شمسك وفارعك محلوله .. ذابت اللحظه على سحر المحبّه بالتفاني والتقى وجه السحاب (العشب وأحيا له ذبوله ) |
واحلمي اللي ماقدرت أعتني فيه وياصوتي اللي ساد جوّه حسافه كم لي وأنا بين المعاذير والتيه .. والليل وأفواه البشر والرّصافه وحيد يوم الوقت ماعدت أجاريه غريب يوم الدمع ماصرت أخافه وان قلت بعض الحكي ماني بحاكيه أبعد بعيد بصورة الوجه شافه راشد .. |
بعض الكلام بثقله يحرّك الصمت أحسّ فيه إنه يجدّد جروحي .. كيف أشرح الحاله ليا من تكلّمت ! وأنا ب روحي وش ب أسوّي ب روحي |
الطيب قلبً بشِر ولسان صدقه فصيح والا الوجيه اتغيّر من تفاصيلها .... |
أعترف لك ماني بقدّ الملام .. ولاني نبي الله في ليل وضحى كنت شاعر فالخيال أصحى وأنام ليته ليا طاب نومه .. ماصحى أجتهد في طاعة الله والقيام وأذكر الله خوف تندار الرحى عشرة الأحباب تحتاج إهتمام لو عليها مرّ ب إبليسه جحى |
رغم حزني على حالي وثقل الظروف نوب مدري من الأيام وش عاد أبي! أتصدّد مع أوضاعي بخاطر عيوف عن محيط القصيد وعن حنينً غبي |
لو مرّك بعاطفة بحر الثلاثين..عابر تستقبلينه؟أو إنّ البال ماهو قريب أحياناً يحسّ بالغربه وسطو الآكابر لاشاف وجهه/من الأيام صاير غريب ماناقصه غير قلبك بين نزف المحابر ويفلّ حرف الحبيب ليا صفا للحبيب |
| الساعة الآن 05:16 AM |
Powered by vBulletin® Copyright ©2000 - 2025, Jelsoft Enterprises Ltd.