|
[POEM="font="Simplified Arabic,6,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] فليت صدري لنسيم الغربي البارد =عَلّه يّجمْد خفوقٍ ذاب من وجـده ويلملم اشتات فكرٍ تايـهٍ شـارد =من سبة اللي اتمثلي مـع السجـده من سبة اللي غلاها بالحشا فـارد= والنفس من بُعدها بالشوق منبجـده الشعر لـعيونها صـادره والـوارد =واللي سبق إن وجدت وعادني باجده هي من تشكّل بقلبي قصة المـارد =والقلب إبريقه وزانت لـه الهجـده فــ حضورها الشعر والأفكار تتوارد =وفــ غيابها لعنبوه إن ماحصد مجـده لها سلامي معك يا الغربي البـارد =وأعذب تحايا خفوقٍ ذاب من وجده [/POEM] سعد |
[POEM="font="Simplified Arabic,6,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] تخاطفني الطواري كلما يممـت وجهـي غـرب =وتسرح بي على ذكرى إبتسامـة عمـر مسلوبـة وتاخذني على جُرة حبيـبٍ قـد سلـك لـه درب =طريقٍ للغياب اللـي عليـه الـروح مغصوبـة يضيق إبيَ الفضا من بعد ماكان الفضا بي رحـب=وأسرّح في بحـر ذكـراه فـي سجـة وغيبوبـة وأجر الصوت من أقصى الحشا والقلب ماهو طرب =ولكنّـه تمثـل فـي عيونـي النـور وغـروبـه ألا كيف بأنسى ؟ وكلما يممـت وجهـي غـرب =أبا أصلـي الصـلاة تلـوح لـي ديرتـه ودروبـه [/POEM] سعد |
بوح خاص جداً . . [POEM="font="Simplified Arabic,6,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] ياصاحبي والليل أسـرار وتفاكيـر وسكـون =فيـه القلـوب العاشقـة دايـم تبيّـح سـدّهـا وفيه النجوم الساريات اللي تراقبهـا العيـون =اللي تهيّـض دمـع ناظرهـا ليـا مـن عدّهـا وفيه الهموم اللي تهيضنا على جـر اللحـون =اللي تبيّن ابهـا القوافـي هزلهـا مـن جدّهـا وفـي التفكـر والتذكـر والتحسـر والغبـون =تبنـى بـه أكبـار الأمانـي والصبـاح يهدّهـا مايسهرك ياليل كود اللـي تحمّـل لـه ديـون =وألا من ظروف الزمان الشين عجـز يضدهـا ولايسهرك ياكود عاشق ذاب في عشقٍ حنون =عوَضها عن محل السنين الماضيـات وجردهـا عشقٍ على طيب ونقا ويخالطه بعض الجنـون =جنون عشاق الهوى يانـاس مـن هـو قدّهـا ياصاحبي والليل داج والروح لعيونـك تهـون =عطني السوالـف كلهـا مـن حدهـا لـحدّهـا ولاتساورك الشكـوك ولا تـراودك الضنـون =مابحت بـه إلا علـى نفسـك ونفسـك هدّهـا ياصاحبي وانته على رأسي وعلى روحي تمون =همك لـو أركـى عالجبـال الشامخـات يهدّهـا عطني همومك كلها وبأشيلهـا فـوق المتـون =ولارحمت إيدٍ عن فعول الطيـب يقّصـر مدّهـا ولابارك الله في صحيبٍ ماتبـادى لـالطعـون =وأخذ الطعون بوسط صدرها وعن صحيبه صدّها [/POEM] سعد |
[POEM="font="Simplified Arabic,6,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] يوم قلبي فيك مايسمع عذول ولاحسود = ليه فيني تصدق العذال وتسمع غيّها ؟ ويوم عيني ماتشوف إلا أنت في هذا الوجود = ليه تدمي مُقلتي بالدمع وأنت صبيّها ؟ ياحبيبي والله إن نموت وندفن فــ اللحود = ماأشوفك مثل هالعالم ولا أنت بـ زيّها أنت فارد وأنت فاخر وأنت جاوزت الحدود = من عفافك تنكسر عف النساء بعبيها قابلك ربي وأنا قابلك يالريم الشرود = حيّها طعنات كفك وسط صدري حيّها [/POEM] سعد |
[POEM="font="Simplified Arabic,7,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] لا شعر بعدك ولاحتى شعور = ولا كلامٍ في غيابك ينحكى [/POEM] سعد |
[POEM="font="Simplified Arabic,6,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] حبيبي وأنت ماتـدري =أنا وش صار لـي بعـدك نِّمَتْ الأحزان في صدري =وماتت بسمتـي ابُعـدك [/POEM] سعد |
[POEM="font="Simplified Arabic,6,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] راحتي بقربك وفي بُعدك عذابي =يعني افهمها .. ترى مابي سواك ميت بحبك ولوك تقول ماأبي =معلقٍ قلبي وذايب في هواك يعني أفهمني .. وخل عنك الغيابي =واعرف ان به شخص ميت في رجاك أنت بسمة عمري وزهرة شبابي =ماأقدر اوصف لك محبتك وغلاك المهم إن حبك بقلبي سطا بي =وصار مال العمر طعمٍ مع سواك [/POEM] سعد |
[POEM="font="Simplified Arabic,6,darkred,bold,normal" bkcolor="transparent" bkimage="./images/backgrounds/.gif" border="none,4,darkred" type=1 line=0 align=center use=sp num="0,black""] جرحي عميقٍ والموادع علاجه =ماعاد له طبٍ سوى بالمفارق ارحل وانا برحل وفالنفس حاجة =البُعد شين ولكن الجرح حارق [/POEM] سعد |
| الساعة الآن 10:07 PM |
Powered by vBulletin® Copyright ©2000 - 2025, Jelsoft Enterprises Ltd.