|
~5~ بالقرب من سور المدرسة..وبعيد أنصراف طلبة الأبتدائي... جلسّ ( حســـودي الصغير) مـــع ( البــــرئ) يلهوان.... البرئ: حســـودي.....امس باباتي اشترالنـــا ( سوني 2) جابها من امريكــــا ... و و معاها خمس ايـــــادي... كـــــلنا نلعب فيهــــا ..حتى ماماتي.. حســــودي:.. من امريكــــــا ....؟ البرئ: والله... تعال العب عندنا .. جبنا كمان شريط (CRASH 5) حســــودي: والله ......(CRASH 5) ...... البرئ: بابا يقول.. ازا نجحنـــــا كلنا السنة... بنصيف بجنيفــــا حســــودي: جنيفــــــا.....؟ البرئ: ايواااا.. فيها جباااااااال كبيرررررة...مرة...وانتوا فين تبغوا تصيفوا...؟ حســــودي: لا احنا مانصيف الا بالبيت...... البرئ: شوف ايش ماماتي جابتلي..... ( موبايل_ برج العرب) ...فيلو نغمات كتير حســـــودي:؟؟؟؟ تتوقف سيارة فارهـــه( سوبربان) امام البوابة... وفيها سائق آسيوي, البرئ: يلا باي حســـودي.......سواقنا جا... دحين العب بــــDVD الين اوصل البيت, حســـــودي: تلعب بالسيارة كمان...؟؟ياحظكم... يتبع |
على مائدة الغـــــداء الجميع مقضب جبينــه ,يتناولون طعامهم في صمت, كل غارق باعماقه....ليشج حســـودي المدلل( رأس) الصمت بسؤاله : يبــــــا...ابي سونـــــي ......وشريط كراش......و ,و الأب: هبك ماني بشاريلك وحده اول الشهر...انثبر بس البنت: تصدقين يمــــــا ....(خجل) اخطبهـــــا ولد عـــــلان..... الأم: خجــــــل...؟؟؟ منو قالك......؟ البنت: خويتي... لا ودفعلها اميه وخمسين الف غير رضوه امها وابوها الاب: ميه وخمسين...؟؟؟؟ بنت فـــــلان تنعطى ميه وخمسين.... الأبن: يبـــا ...أبي سونــــــي......وموبايل_ برج العرب الأم: انطم اقول...... ,كملي يمــــا البنت: والحفلة بتم في الأنتـــــر... . الأب: حشــــا ...ماني بالديرة ابد.....اشوف فـــــلان مشرع زينه البيت وسيارة الطباخ ماتحرك من قدامه الابن: يمــــــا.... نبي نصيف بجنيفـــــا الابن الأكبر: يبــــــا ...المدرسة طالبينك بكرا... المدير معـــــّي يدخلني الا بولي أمري الأب: وشهولــه...متهاوش مع احد الابن الاكبر: ابدا والله يبـــا....بس واحد زلق بالمواضي حطوها براسي الام: جعلهم الماحق انشالله.... الابن الأكبر: يبــــا ...هذا عشانه مجتهد يحامونله.....وكل المدرسين معارفه .....شكى علي اتصدق يبـــــا....كل ابوهم يزيدونه درجات الا انـــــا متقصديني الام: حسبي الله عليهم ولابارك الله فيهم ....اخترب التعليم وانا أم حســّاد اذا كان ولدي هين بعيونهم والله وامان الله لاشكيهم بالوزارة الأب: اذكري الله يامرا......بنشوف وش صاير بكرا.... الأم: انت ماتعرفهم . .ذني.اسئلني عنهم.....كل من هب ودب دخلوه التعليم .. البنت: يقولون يمــــا....بيسكنها في المخطط الجديد.... ابوه عطاهم فيلا لحالهم الأب: ايه مادريتي.... اتعرفين ( عصــــامي) رفيقي بالدوام.... الملعون شاريله أرض وبدا يعمر فيها...... الأم: بذمتك... من وين له..؟؟ مرته تقول ماحولهم شئ... الأب: هذولي من ربع الحزام ياخلف أبوي.....مو مثلنا جالسين على عمارتين يالله يالله تجيب خراجــهـــا الأبن: يبـــــــا........ أبي جمس كبير وفيه سواق يوديني المدرسة.... الأبن الاكبر: يبـــــــا ابي دروس خصوصيــــه... البنت : يبـــــــــا ابي 500 ريال عشان أقشــــــــر وجهي الاب : خذوا من أمكم ...... الأم: اقول انطموا .... ماهنا دراهم .. يلا كلن على غرفته في المســــــاء الأم والأب...... أقول.....ماهنا غير نبيع عمارة البلد... وتخشين جمعيه تقبضينها أول وحده ثم نشتري أرض أكبر تخنق أرض (عصــــامي) .. الأم: وراك انت مهبول ....الا نبيع الثنتين .. وشهوله ننتظر الجمعيات.... ابي نسكن قبلهم .. خذ مصاغي بعد....لايمر هالاسبوع الا والصك بمخباتك... في الغرفة المجاورة... البنت...تدق رقم تلفون غريب.... الو ..منزل عـــــــلان ( السعـــيد).....تراني فاعلة خير.....ولدكم في خطر..لحقوا على نفسكم....البنت معيوبه وفيها من البلاوي ماالله به عليم......لاتوهقون وحيدكم فيهــا الووو ..منزل فـــــلان( المحســـود) تراني فاعلة خير... اللى طق بابكم خاطبني من قبل ...ومافكينا خطبته الا يومنا درينا بخرابيطه......كل سنة وهو ناقزن برا... احرصوا على بنتكم.. لاترمونها بالنــار...باكر تندمون...... الأبن منكبــــاً على مشاهدة التلفــــاز.......أشباح بالغرفة المظلمة تتراقص وحفيف أصوات بهيميـــه يخفت كلما داس على زناد الرموت لاحساسه بمرور احدهم قرب الغار المشــــفر.... الأبن الصغير....نائم في سريره يحلم بالجبـــــــال الكبيرة ... يقود فيها سيارته الجمس بعد مرور عشر سنوات الأب: متحفظ عليه _ رهن التحقيق بسبب ديون مجحفات وخديعه مقاول نصـــاب الأم: سرحت من عملها ( معاش الزامي) وتم تنصيب الأستاذة (خُلق) وكيلة لشؤون المعلمات بالرئاسة البنت: عانس فى سوق النســـاء.... لما اصاب وجهها من تقرحات التجميل المزعوم الأبن: في سجن الاحداث بعدما فتحَ رأس احد الطلبه.... الأبن المدلل:.........كبرَ ولازال يحلم بــــــ....السوبربان.... انتهــــــى بقلم تركي ناصر الحربي ( Romeo ) |
ول على هالعائله مافيهم شي زين تركي أقتنصت الكثير من تفاصيل من بهم هذه الآفة الحسد من الأمراض الاجتماعية يفتك بكل شي حمانا الله والجميع من شر الحسد . . بس من جد رحمت حسودي جنيور نفسه في شريط (CRASH 5) وانا من عشاق CRASH :( . . روميو كل الشكر على صياغة الحكاية في قالب بسيط وجميل ينبهنا لخطورة الحسد على حياتنا لك السلام |
اقتباس:
الفاضلة العنود بنت ناصر آفة الدنيا... من تتقد بصدره نيران الحسد كفانا الله وإياكم لهيب لظاهم الأسود ألف شكر لمرورك الأكرم --- لا يكون تلعبي بــ لارا كرفت بعد........ |
| الساعة الآن 01:52 AM |
Powered by vBulletin® Copyright ©2000 - 2025, Jelsoft Enterprises Ltd.