جيت لمحمد ٫ محمد قال نام
وش تبي مني عسى عمرك يطول ..!

قلت له مليت من كثر الملام
وضعنا ما عاد يتحمل قبول ..!

لو تناظرني و تحسبني غلام
لا تفكر يا الغبي نفسك رسول ..!

كم تكلمنا ولا فاد الكلام
خلني ساكت و قول اللي تقول ..!


محمد بن شتير

تشوفني ساكت و لا ودي ابوح
و أنا من اللي صار مليان صدري ..!

جرحت لك رجال ما كان مجروح
و المشكله ما ابيك بالجرح تدري ..!

اقول "ضيقه " يمكن شوي و تروح
والخوف لا تبقى معي طول عمري ..!

محمد بن شتير

لا تجرح إحساسي و أنا شخص حساس
يكفي جرحني قبل اشوفك زماني ..!

محبتي لك غير عن باقي الناس
و لا تقارن نفسك بشخص ثاني ..!

ما كان يا بندر على القلب حراس
يومك تجيه و تملكه في ثواني ..!

محمد بن شتير

أنا تعبت اسايرك و أنت كثرت
الين قلبي في وصالك تحييير ..!

تعال يكفي يا حبيبي تأخرت
وهاذي سنين العمر طب و تخير ..!

أنا مثل أول ترى ~ ما تغيرت
بس أنت يمكن قلبك اللي تغير ..؟

محمد بن شتير

يا أبوي أحبك و أنت حبك غريزه
قلبي تعلق بك و قلبي أسيرك ..!

أنت الكريم و تعطي اللي تحيزه
والناس تدعي لك وللناس خيرك ..!

و أنت العزيز و دوم نفسك عزيزه
و أنت الحكيم لكل من يستشيرك ..!

الله لكل انسان يعطيه ميزه
بس أنت ما خليت ميزه لغيرك ..!

محمد بن شتير

ملكتني و الحب كل يوم زايد
و خليتني مانيب ميت و لا حي ..!

حرام في غيرك تكون القصايد
و الشعر ما يسوى بدونك و لا شي .. !

محمد بن شتير

الغايب اللي جابه الله و جيتوه
ما زاده الله غير قدر و مهابه ..!

جيتوه لكن من بعد ما تركتوه
فوق السنه وحده يصارع غيابه ..!

ياما نصحكم و البلا ما سمعتوه
واليوم كل أنسان ياخذ حسابه ..!

الله حفظه و سلمه كل مكروه
من بعدها جاكم من الله عقابه ..!

محمد بن شتير

أنا لو عفت كل الناس ما عفتك
وانادي لك ولا تسمع صدى صوتي ..!

وعدت كم سنه للحين ما شفتك
و أنا ودي أشوفك لو على موتي ..!

محمد بن شتير