|
: : : يا عرب.. يا أمة محمد! [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] يا عرب.. يا هيه.. يا أمة محمد=السلام: أحلام ظامي في غمامة يا: سلام.. الدم في عروقي تجمد=يا غصن زيتون.. في قبضة حمامه! في عبارات الترجّي والتودّد=ضاعت النفس الأبيّه.. والشهامه لو لمرّه بالخطا.. مرّه تِعمّد=تفجَع النايم على ريش النعامه وانكسر صوتي على كفّي، وعوّد=يطوي خيوط التخزّي والندامَه وانتفَض في داخلي صوت يْتردّد:=كل شيّ يموت مع موت الكرامه![/poem] : : : |
: : : شمّا [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] بُقى لي عمر يا شمّا أدوّر سكّة إخوانك=أسولف للهبايب.. وانتخي بالعالم الرمّه! بآخر قطرةٍ بالكاس يسكن بيت (حِيّانك)=دروب الصّحْو.. ما تاخذ إليه ولا تجي يمّه تخَنجَرْت الشرف.. دام الشرف مثواه لاحضانك=هلا بك ليلةٍ حمرا.. وشرف غرقان في دمّه! لبستي لاجلي الليله.. مُصاغاتك.. وتيجانك=ولاجل الليله إيّاها لبسْت أحلاتها عِمّه وحق امْتوّه المسواك.. في تفليجة أسنانك..=يتوه الهرْج.. يتبعثر.. ولا يلقى من يلمّه لو إنّ اخوانك اخوانك صحيح.. الطلّ لاخوانك!=رجالٍ كل فزعتها: كلام.. وشارب.. وذمّه!![/poem] : : : |
: : : ناعسه؟! [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]ناعسه؟! والليل في لحظة قنوت=كحّلي عينك على شوف الأرق نامت القريه.. وفي كل البيوت=شمعةٍ تطفا.. وعمرٍ ينسرق ما أبي الليله ولو لحظه تفوت..=ما تطرّزها ولو.. حبّة عرق! الحكي: كذبه على وجْه السكوت=والشعِر: كذبه على وجه الورق لا تغرّك ضحكة إنسانٍ يموت..=قطعةٍ قطعه.. بصمْت ويحترِق ضحكتي همسه.. وللحرمان صوت=داخلي يصرخ عَلَيّ: بنفترق! لو تبادلنا.. ملايين النعوت=لو تشتتنا.. على كل الطرق يسعِد الغرقان خيط العنكبوت=مير.. ما ينجيه من حضن الغرق!![/poem] : : : |
: : : أعمى [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]بخت العميْ لا صار مثلك تقوده=يا زهرةٍ تنبت على صافيَ الما يمناك في يسراه.. وبكل بروده=ويمناي أنا.. صارت من الغيظ عسما..! ليت الزمان بْيوم تصدق وعوده=واتعب على صدرك من الشوق واظما لا.. يا بعد عمرٍ تدانَت حدوده=يا بدْر يسْني في دياجير ظلما لو كلّ أعمى مثلك اللي تقوده:=دعيت ربّي.. أصبح الصبح أعمى..!![/poem] : : : |
: : : عشرين عام في صفحة واحدة! [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]تهايل يا تراب الدار حسره.. وان قويت انشق=تحمّل طعنةٍ بالغدر.. ممن تحسبه وافي!! أباكتبها بلحظة عزم في وجه الزمان بْصدق=عسى لا برّني ربي.. إذا زوّرْت في قافي نويت أهدِر دم الأعراف، واظهر من غروب الشرق=واعيش بْعمري الباقي على ما تقضي أعرافي واحطّمها تقاليدٍ جنت فينا بليّا رفق=وعادات العمى والجهل.. وانكر مبدأ أسلافي! واسافر.. والسفر عتمه.. وبا اتحدى الهوا والبرق=وبارمي في البحر شرعي واكسّر فيه مجدافي سوا.. إن جاد لي حظي وإن ما جاد.. ما به فرق=بين الميت المنعل.. وبين الميت الحافي! ألا يا لعْن أبو شعرٍ كتبته.. وا عساه الحرق=ذبحني قطعةٍ قطعه.. وانا في راحته غافي طويت الصفحه العشرين من عمْرٍ جزاه الشنق=يصوّر لي الهنا باكر.. وباكر منْه يا كافي أشوف الأمْس منْه أرحم.. والا جاد الزمان ورقّ:=عطاني لا عطاه الله.. بقايا صدْره الدافي! نويت أشهر سيوف الحق.. وان لانت سيوف الحق:=أقوّمها برمح العدل.. واطعن حظي القافي تقول اللي تقول الناس.. ما همّي كلام الخلق=أنا.. وخلافي الطوفان.. واللي يشمت: خْلافي!![/poem] : : : |
: : كذبة ملوّنة! [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""] لابوها كذبةٍ بيضا.. حشا ما كنّها كذبه=قصيدة شعر.. أسمعها على كيفي، وانا لْحالي أبا احلف برب أحمد.. ورب البيت والكعبه=لو انك ما ضحكتي لي.. زرعتي الشك في بالي.. تجهّم صوتك وقلتي: تحِبّ نواصِل اللعبه؟!..=ترى.. أو ترمي أوراقك لأجل اللاعب التالي؟! سكَتّ.. وراحت أفكاري تجيب أيامي العذبه=لقيتك صَنعَة أشعار و.. غديتي أعظم آمالي!! وعشتي أصعب أيامك.. وعشت أيامك الصعبه=وقلتي: ما أبي غالي سواي.. بداخلك غالي! وقلت: يهون لعيونك.. رفاق الأنس.. والصحبه=وربعي، وناسي، وأهلي، ونفسي، وحالي ومالي وقلتي: لو يكون الشعر أغلى منّي.. إشبع به!!=وقلت: الشعر لا ابو الشعر.. جا باقدامه إن جا لي!! وقلتي: إختي الكبرى تجول بخاتم الخطبه!=همَسْت بْرعشة النلمه تدوس الثلج: عقبالي!! وقلتي: داخل العلبه.. أبيك بْداخل العلبه!=وقلتي: وش يجيب اللي من أمثالك.. لأمثالي؟! وقلت: اليوم عدّيني رقم من خارج الحسبه..=وباكر.. لا وصل باكر.. أداري عنّك ظلالي يجوز أصعب على قلبك.. واقلّ السالفه أشبه!=يجوز ألزَم (بليلة برْد) لاجل (الموقد الخالي)!! يجوز تمرّك الوحده.. فراااغ.. وتولد الغربه=ولا به غيري قْبالك.. ولا به غيرك قبالي[/poem] : : : [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]حسيب الكذبه البيضا.. يروح العاقل بشربه!=دخيلك.. كذبِك الأبيض ذريه بْوجه عذّالي! حكيتي.. والحكاية كذب.. وانتي والحكي كذبه=أكوّنها: قصيدة شعر.. وأكذّبها على حالي!![/poem] : : : : : : |
: : : بير الحَيّ (على لسان فتاة) [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]يَاغايبٍ عَن روضَة الحَّيْ.. وين أنتْ؟= وَرَاك تبخَل باللقا يا اْبن عَمِّي؟ وَراك.. بيّنتَ الجفا ومَا تِبيَّنت= يا جَعْل عينٍ صابتك.. ما تسَمّي همّي مِلاقاتِك على البير ما زلت= أنطِرْك كِلْما يَهجَع آبوي وامّي واقعِد عَلى رَملَ النِقا أشْرب الصمْت= لين الصُبُح يرحَم سهادي وغمِّي أَتذكرك.. واصفِق على ميلة البَخت= واتخيلك لي همّت يدِيك ضمّي كم قلت لك عونك إذا قلتْ يا بنت= وان قِلت لِك يا عِزوتِي.. قِلت سَمّي يَبكيك شَعْري حسرةٍ كِلّما قمْت..= أفرش عُقوصه بالدِجَى قِلت لمّي وتحتِ المِخَدّه صورتِك كِلّما نمْت= كِتبت أحِبك فوقها بْنزف دَمّي عِندي أَمل في يوم تِرجع كما كِنت= واقول هذي صورتك وانت يمّي لا شك لو سَافرت.. غِبْت وتمدَّنت= تِبقىَ مِلاقاتِك على البير.. هَمّي[/poem] : : : |
: : لمسة [poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]كثر الحيا في عيونك مستحي.. مكسوف=يبي يمِدّ اصبعه ويموت في لمسه من حسن ظنه يظن إن السما مكفوف=(مكفوف هذا المسا) ومدّ اصبعه خلسه! جت في عيون المسا الأعمى وردّ يشوف=وعوّد يسب اصبعه.. وظنونه النحسه صحّا كفوف العيون.. الإصبع الملهوف=يبي يحاول يمر.. بْليلةٍ غلسه مصباح نومٍ صغير.. لصدرك المكشوف=تضحك على وقفته جدرانك الملسه وكلما تذكّر عيونك تستحيل.. كفوف=يحمَرّ وجه النهار وتنكسف شمسه من كثر (قل الحيا) في كفك الملقوف=يبي يقل الحيا.. ومكسوف من نفسه!![/poem] : : : |
| الساعة الآن 08:19 AM |
Powered by vBulletin® Copyright ©2000 - 2024, Jelsoft Enterprises Ltd.