|
أجمل الحزن يا اجمل الحزن .. لدموعك سلام من حبيبٍ ... بقى منه الكلام وين انا منك .. غربني الزمان وخانني النور ... وابعدني الظلام لو بعزيك ... سالت دمعتي تدري الدمع في حبك ... حرام لو بواسيك ... مايكفي الهوى ولو أبي ... عذر مايكفي الغرام أعطنى من عذابك يا البعيد صرخةٍ ... تجعل ظلوعي حطام آه ...لو في يدي أبكي معاك قطرةٍ مادرى عنها الغمام ماابخل الوقت ... يحرمني البكا وانت لجلك حرمني الإبتسام يا اطهر الحزن ... لو كان القصيد يكشف الغم عن بدر التمام لكتب الشمس شعرٍ في سناك وامحي إمن السما...عج وكتام ياعسي البدر نوره مايغيب عن حبيبٍ بقي منه الكلام |
خضار وملح خضار البحر في عينك .. وملح البحر في اهدابي .. وعيا البحر لا يسكن .. أبد في صفحة كتابي .. قصيده من خضار .. وملح .. يا أول .. وأخر احبابي .. انا من شفتها عيونك ترى ما جفت ثيابي .. ولو آخر قصيدي بيت .. كتبته حب في عيونك .. ولو يحمل همومي بيت .. سكنت البحر وعيونك .. ويبقى البحر .. وعيونك .. وينشف في قصيدي البحر .. ويبقى العشب .. وعيونك .. ويزهر في متون الصخر .. ويبقى الحب .. وعيونك .. رغم كل الصحاري نهر .. وانا والجرح والفرقا .. وهذا الحزن بسبابي .. ولو ادري البكا له بيت .. اسوق فْـ دربه ركابي .. ابي لا غابت عيونك .. ابل بدمعي ثيابي ... |
البتول كـل أرضٍ تشيلك يـا ثـقيـل الحمــول وكل وقتٍ كريمٍ بالرضا والزعل وين مـارحت تلقى لك حبيب وعـذول وين ما كنت تلقى مثل ياسـك..أمل ياطـريق الترجي والوله والـنـحول والله إني مـشيـتـك... لـين حد الـثـمل مالقيت فوصولي لغـير قــبري وصول ولا عـرفت فـحياتي مثل عرفي الجهـل لا تظـن المـسافر مـن يسوق الـرحول مـن وقف دون حلمه عاجزٍ ما رحـل وما لمخلوق منجا في الحذر والجـفول مـا تـصيب السـهام ولا يـطـيـش الاجــل الـلـيـالي خـــــوات.. مــير مـنـهـي البـتــــول والحــوادث عـشــــايـر مـير ويــن الفـحـل ليلةٍ لـك .. وليله بـالفـــرح مــا تـطـــــــول ولـيـلـةٍ مـن شــهــدهــا ذب راس الــجبـــل أتذكّر في عين الشمس طفــلٍ خـجـــول شـالـتـه فــي هــدبــهــا وقـت لــين إشـتـعــل أعجب الناس وهجـــه بالجــدل والفـضــــول ما دروا عن (جمـــال الجـرح) لــين إنـدمــل والله اني كتـبـتـه في العطــش والذبـــــول لــين غــصــنــه تــعـــدل بـالــورق وإعـتــدل والله إنـي كــتـبـتـه لــــين قـــــــال الجـهــــــول والله إنـي كـتـبـتـه وانــتــشـى واحـتـفــل ما أتفه الشعر كانه هالحكي اللي نقول لا تـعـدى الــمــــديــح ولا تـعــدى الـغـزل إن لثمت الزهــــــور وصــــاحبتني الحقــــول مـاهقيت ان صافـي الشهـد عيب النحل مابقى في ضلـوعي كود ريـح مـعـمــــول وثــــوب شـاشٍ عـليه مــن النــدامـه وحــل ألـتـفـت للـطــــريــــق ومــا عـــبر مــنــه زول فـــي جـفــوني تـزاحم عبرتي والـوجــل طـلـت يالعـمر والا قــلــعـتـك لا تـطـــــــول طــاولــتـنــا الـلـيــالي بالـســــهــر والــمــــلـل إن تـعـبـنــــا نـــحـب ولا لــقــيــنــا قـبـــــــــول مـا تــسـر الامـــانـي .. ولا يـفيـد الـعــذل لكن .. الله كريم وكل همٍ يزول مـا على الله بعيد .. ولا جـفـاك الـمـحـل كـل أرضٍ تشيلك .. يـا ثـقيـل الحمــول وكل وقتٍ كريمٍ بالرضا والزعل |
اغفر لي الزله أبيك في كلمةٍ لو هي خطا تغفـر لي الزله وردتك ظاميٍ وان عز وصـلك بااقطع حبالي أحبك ذا ترى أول كلامي .. وآخره كله ولكن وش يضر اليـوم لو تدري عن احوالي وخذ ما جـاز لك من هالحكـي واللي تبي خلـه انا لا قلت ما في خاطري والله ما بالي ظلال العاشق جروحه ومن ما يتبعه ظله أمانة يا شعاع الشمس لا تغضب من ظلالي وتقـدر تطـوي الدرب البعيد وتقـدر تفـّله ولكن صعب تمنع في الهـوى صبري وترحالي وتقـدر تغمد السيـف الرهيف وتقـدر تسلّه ولكن عـند خلاّق البرية علم الأجالي متى عمرك سمعت بعاشق قد مات من غلّه هذاك الحاسد وراعي الهوى تتلفه الأمالي حبيبي من يعـزك في الهوى ما تقدر تذله ترى قربك يزيدك بالغلا وان عفتني غالي |
أرقام في آخر الصفحه .. يسار .. خبر صغير .. حادث قطار .. مات أربعة .. مكتوب في السطر الأخير .. باقي التفاصيل .. في الصفحة العشرين .. على الثرى .. وبين الورق .. أجسادهم امقطعة .. الأربعة .. لجل المساحة ماتشيل .. وفي باقي الصفحة صور .. فنان .. وحصان .. و كور .. وابحث عن الخبر الحزين .. في نهاية الصفحه يمين .. حادث قطار .. ماتوا ثلاثة وطفل .. وباختصار .. شديد .. شديد .. كان القطار .. هو الوحيد .. اللي بأسم .. بلا ملا مح .. أو أسامي .. ليه كلنا نموت .. ليه نهمل الجثه .. ونتذكر التابوت .. لأقدامنا صوت .. من يسمعه .. من يسمع الأقدام.. هم مروا من تحت الكلام.. الأربعة .. وصاروا أرقام .. أرقام .. أنا رقم .. اصقه ضرير .. المشكلة .. مثلي كثير.. يجمعنا حب الهاويه .. احلامنا .. انا نصير.. وقاماتنا متساويه.. نركض على ورق الحياه .. لين ننمحي .. المشكله مانستحي .. إنا نمرّ .. ماشافنا انسان .. ولا سمعنا انسان .. اكتبني يالنسيان .. انا رقم .. |
الشاعر \ بدر بن عبدالمحسن شعله مضيئه لن تنطفئ في سماء الشعر ,
و هو من شعرائي المفضلين جدا ً .. نوف عبدالعزيز جهد مشكور , |
و من لا يفضله لشعره هطول المطر على الأرض الجدباء هو راااااائع و كفى لي الشرف أن أعرضه عليكم حفظه الله و أطال في عمره على طاعته نورك أضاء المتصفح شكري لتواجدك غاليتي ،، ،، ، كل الود والورد |
\ نوف.. إنه العظيم الذي قاد الكلمة من أعلى السحاب، ولم يأتِ بها إلينا قبل أن علم تراب السديم إنبات العطر من لب الشعور.. إنني مع البدر بأمان عظيم/ إنه مع الشعر في كوكب آخر: الكوكب اللي تقول الناس يا صغره ........................ من كثر ما هو بعيد وشوفهم قاصر / نوف: أقدس ذائقتك الماجدة الأخاذة/ شكراً بلا نهايات \ |
| الساعة الآن 07:23 PM |
Powered by vBulletin® Copyright ©2000 - 2024, Jelsoft Enterprises Ltd.