|
غيبي !!
. . ودّي اشتاقك اكثر ..! يالله " غيبي " .. غيبي أكثر .. علّميني شلون لا غبتي .. أكسر التخمين .. و آتبَعْثر !! علّميني شلون اكتبني مواجع .. وتحت رمشك " أنزوي " ..! طفلٍ يوقّظ هـ المهاجع .. ينتفض يضْرب عن الزاد و ينادي : وين حظني ,, وين حظني ..؟ لين يغفى .. بعدها يفتّح عيونه عليك ويضمّك ..! |
ما فقدتك !!
. . ما فقدتك .. ما فقدتك تدري ليه ..؟ خلْني أحكي لك حبيبي .. إيش معنى اني أحبك : يعني اِحساسي بـ " أناي " ..! تكبر أكثر .. و اعزفك ونّة ,, و ناي ! و افـ غياااابك .. آتبعثر ! تدري إش معنى أحبك ..؟ تعني لما تروح و تنسى .. تبقى فيني .. صورةٍ ترسم حنيني !! و اشربك أكثر و أكثر .. ليييين ألقاني عطشتك !! أكثر من الأمنيات .. اللي تتراكم بـ صدري .. كنت ادوّرني في قلبك !! أعذب من الأغنيات .. امتلا صوتك بـ شعري .. و دوزن احساسي بـ قربك ! عيّت جروحي تملّك .. يا للي قلبي صار ظلّك .. أفقد عيوني حبيبي .. و لا تجي لحظة .. و أملّك . |
أُبْحُر .. بدونك !!
. . على أُبحُر .. سنين أُبحُر .. حنين أُبحُر .. و اشجانه تذكرتك .. أُبحُر الليلة .. بدونك ! مثل حضني !! آآآه يا أُبحُر بدونك .. مابقى به شيّ .. يغري إلا جرحي .. إلا همّي ! إلا موعدك الأخير .. واحساسي بدونك و بعض دمعي .. اللي مَـ ارواني وصال .. و لاشفاني !! أُبحُر الليلة .. شجن للقلوب اللي تذوب !! أبحُر الليلة .. كفن للبقايا .. و الدروب !! أبحُر الليلة .. وطن للنوارس .. و الغروب !! اللي غنّت في وصالك .. بس ليلة .. صوتها صاير .. نحيب ! تبكي موعدنا الأخير ..! , , يالله ياقلبي نروح .. أُبحُر المرّة [ كئيبة ] .. لاملامح .. و آلآروح !! تنْظر بـ عينٍ [ مُريبة ] !! ما تبينا .. ما تبينا ! |
خذني .. كلّي
|
خذني .. كلّي
. . خذني كلّي .. مقدر اصبر ... و اعطشك أكثر و أكثر خذني مجموعة شعور .. تكتمل بك يا حبيبي .. تنكِسِر " غرشة عطور " .. لو فقدتك يا حبيبي ..! انت زادي .. انت شربي .. انتشربي ... كلّي محتاااااجك يا كلّي يوووووه لو تدري لـ حضنك .. وش كثر محتاج صدري .. خذني منّي .. و الا منّي ... خذ غلاك ! مقدر اتحمّل خلاص .. ياللي احساسي بوجودي .. منتهي ... إلا معااااك ! |
الثريا
. . بقى له قلب ينبض بي هنيّا _____________ و لو انّه بعيـدٍ ما تهيّـا ثلاث سنين ينبت في عروقي ___________ غدى رمشي ظلاله لا تفيّا حلف بالله لـ ابقى في عيونه ________ و حلفت آصون عهدي له حميّا و لكن الزمان اسرف بـ غلّه _____________ و ضيّع مابنيته في يديّا على هون المصايب صرت اغنّي _____________ بعد ما طلت بايديني ثريّا ذخرته لليالي السود لكن ____________ سواد الليل وقّف لي و عيّا بيبقى قلبه اللي قد ملكته ___________ علامـة فارقـة فيني " هنيّا " |
ضاع مصباحي !!
. . مساءً .. و الفضا وجهك ! نجومك .. غزوة اشباحي ! غباءً .. تختفي عيوني ! و اصوّت : ضاع مصباحي .. من اللي حرّك اعبائي .. شياطينك / شياطيني !!؟ . مربوطة عيوني .. بارد جسد هـ الليل .. من كحّل نجومك ,, تحت الفضا العاري ؟! بعض الصبر حكمة ,, كِبْرَت مع الترديد !! تحت الجفون اطياف ,, علامة الـ " تغْريب " !! . دعاءً .. كان ترديدك ! غباءً .. ضاع مصباحي ! |
و ... ماتجين !
. . انتي لو ليلة تغيبي .. حتى جدراني اتْألّم !! و كل هذا الكون يصغر .. تذكرين .. لما قلتي لي بـ تجين ؟ صار كل الكون صدري .. وقتها كن الثواني .. خطوة الشيخ الهزيل !! لين ذِبْت بـ ساعتك !! و ما تجين .. و اجمع اعباء انتظاري .. و اذبل اذبل .. و ماتجين .. تذكرين ؟ أنا للحين ,, لو تدرين أمارس لعبة التخمين ! و اقطّف من ورق هـ التين .. و اعلّقها على الموعد .. وجهٍ حزين .. و ماتجين !! تذكرين ؟. |
| الساعة الآن 12:39 PM |
Powered by vBulletin® Copyright ©2000 - 2025, Jelsoft Enterprises Ltd.