_



تُقرع طبول الحنين ، بعد مُنتصف الليل
تماماً كـ جرس الإنذار ، عندما يُسمَع بعد فوات الأوان



_

_




عليك ينشد خافقي ليل وِنْهار
ياللي مسافات الزمن أبعدنّك

عوّد قبل لا القلب يِدْمَر وينهار
ويصير موسومٍ بِالِجْروح منّك




_

_




ينوح جوف الليل من عوق صدري
يا ناصبٍ حبك وسط صدريه نصب

أسأل متى بتعود واتقول مدري !
ياللي السفر ماخِذك من عِنديَه غصب



_

_



الصبح هذا غير وإشراقته غير
لنّك حبيبي جيتني ف بدايته

يا جعل كل أيام عمري معك خير
ياللي خفوقي رافع(ن) لِك رايته



_