‏كل يعود لاصل جده ومربـاه
راعي الشرف يشرف والانذال يهبون
الفرع من عوده شرابه ومسقاه
والحنظله مره ولو تشرب مزون

خالد الفيصل🌹🌹

يقول البدر:
البلا ماهو مواعيد الحنيْن
البلا لك وسط عايلتي سميّ

صباح الشعر ويقول الشاعر:

" انا سكنت الكلام اللي يكابر بنا
‏والحزن طفل ٍ ربى فيني وعيّا يشيب"

‏مناحي النفيعي.

وتقول الشاعرة :

‏قريب القلب لو هي العين ما توصل ..
‏قريب شعور كنّك في شفاي الهمس !
‏تراني حيل أحتاجك تعال إسأل
‏وإذا انّك ماتبي تسأل تعال وبس .

الجادل .

مساءكم سعوديتي 💚

ونرجع لقول الشاعر:


‏صدري على زلاتهم كنّه البيد
‏يخطون واسمح والليالي سجالي

‏كم زلةٍ عدّيتها دون تقييد
‏عنها آتغيبا خوف بعض التوالي

‏عدّيتها واغضيت عن كل عربيد
‏يرمي كما رمي الشهب في الليالي

‏أقدر على ردّ الخطا واقدر آزيد
‏لكنها نقصٍ على كل حالي.


احمد مطر

وقال القصيبي رحمه الله :


‏أنا من بلاد الريحِ والرملِ
‏ظمأ الصحاري في شراييني
‏ورمالها الصفراء تكويني
‏وحنينها في الفجر للطلِّ
‏يبكي.. ويُبكيني 💚

ويقول الشاعر :


‏تمشي عليّ العوج مثل المشاعيب
‏ وأصبر بها وأنا خطاي محسـوبي

‏لي حاجةٍ تبدي مع الشمس وتغيب
‏ ماهي بحاجة ميتين القلوبي

‏مصلح بن عيّاد


ويسعد مساكم 🌹

،


يقول:


لو الشجر له نصيب فـ بارد ظلاله
..... ما حرّق القيظ جفني وإنت بـ أهدابي !*