|
http://2.bp.blogspot.com/-efjZ2Qw2Xh...85d8b7d8b1.jpg جتني توشوش وتتباهى ! البارحه غيررررر في صدري ! إتصدق البارحه شفتك ؟ البارحه جا مطر والله وإنت المطر صدق هو إنته ؟ كم قالوا إنك له إنشوده ! ياليتهم يدخلوا صدرك ! إنت المطر بس أنا طفله ! ألعب بقطراتك أتبلل ! وأغرق وأغني ! وأسولف لك ! وأرجع أضمك وأنا أتبسّم ! في ذمتك بس سولف لي .. البارحه هو أنا شفتك ؟ البارحه جا مطر ... إنته ؟ |
* ــــ * في تمام الحزن لين آخر هدب ! طاحت الذكرى مثل كومة حطب ! . . بخير الجرح لاتقلق ! تركته في وطن كمّي ! أبد لاينشغل بالك ! وأنا أكفيك عن همّي ! أنا ماقلت لك : طيّب ؟ بخير ! وكتفي يسولف ! يقول إنه : فقد طعنك ! فقد .. مدري ! عجزت أفهم ! وش اللي رجعك ؟ آمر ! |
الهاء مافوقها نـُـقطـــه !
ــــ والباء فوقه نقاط كثـــار ! البحر ساحل من الحنِطـــه ! ــــ والورد يحكي له الأســـرار ! لو كنت أقيس الحكي : شرطـه ــــ حطيت لك نجمتين كِبـــار ! ماصرت أحس الزمن : لقطــه ! ــــ كم دايره ترســـم الفرجار ؟ لو حطّك الصوت في ورطه ! ــــ في زمرة الصمت للأعذار ! قِل سيّد الكذب قال : أعطه ! ــــ شيطان هذا الحكي مغوار ! أغبى ذكي فالبشر : قحطه ــــ كلمة وفاء قالها وأحتار ! الهاء مافوقها نـُـقطه ! ــــ كذّاب حوله وجوه كثار ! |
أمرّك يالوجع عادي ! وأنا رافع لك إيديني ! ومرّ الخد ! وأحداقي ! وأنا بفتح لك ذراعي ! أنا أكرم من يِد الساقي ! تهزّ الكتف ؟ لا والله ! تهزّ الناس ؟ شـ العلّه ! وإذا يعني .. وإذا كفّي ! ــ تعب كمّي ! ؟ نحل جسمي ! ؟ وإذا يعني ؟ وربك كم تحملتّك ! وكما أوميت وأزعجتك ! وكم ياكم ... تأففتك ! ولا أذكر ضقت وأوجعتك ! ولا هنتك ! ولا خنتك ! بسيط الدمع يــا حزني ! بسيط إن فاض بك شعري ؟ بسيط إن ضقت من ثوبي ! من أزراري ! ومن ترسيمة الضحكه ! ولا تاصل بك ... لعزّي ! أنا ماأطلبك أكثر ! أبي من حضرتك ... تحذر ! إلى من شفتني واقف ! دخيلك لاتمايل بي ! وخلك بينك وبيني ! أنا لك بالكرم شهمٍ يصونك ... لآخر إيدينه ! وإذا شفت البشر ... حولي ! دخيل الله ... لاتظلم ! أنا من عادتي واقف ! دخيلك لاتمايل بي ! |
علميّني
كيف أحبك ! كيف أصافح رمش ثغرك ! علميني فيك أهرب ! من كثير الناس أهرب ! منّي ومنهم ! وظِلّي ! علميني كيف أضحك ! كيف أفرح ! وأنتشي بك ! من تقولي : إيه أحبّك ! علميني إني أحبك ! وإني أنسى كل وجه ٍ مايشابه طْرف رمشك ! وإن هذا الكون إنت ِ ! وإن كل الناس إنت ِ ! وإن إبهى شي إنت ِ ! وإنك أجمل شي إنت ِ ! وإن أطيب روح إنت ِ ! وإن أطيب قلب إنت ِ ! وإنك أقرب من سماي وإنك أجمل من حكاي ! وإنك أروى من ضماي ! وإنك الغيمه وماي ! وإن من يطرون إسمك ! يرتبك نورس وناي ! يرتبك مليون شاعر ! وإنك أجمل حب عشته ! وإنك أجمل حرف صنته ويتعطر لا كتبته ! علميني كيف أحبك بس أحبك ! بسّ أحبّك ! ماطلبتك شي معجز ! كل ماأطلبك : خدمه ! علميني إني أفرح ! بسّ أفرح ! بسّ أفرح ! |
قيثارة الضيّ تعزّف : والفضا ـ قاري ! تشكّل الحرف من يدها ـ إلى صدري ! منها تكون المسافه آفة ــ الطاري ! ولصدرها / ثغري المبحوح وأمطاري ! ‘ . أحبّها / والقلوب الناس وأشعاري ! أحبّها / وأرسم الغيمه ! منها تشكّل كَذا ديمه ! منها يكون الخلاف إنصاف متشيطن ! منها يكون الحبق والعطر يتكوّن ! . . قيثارة الضيّ والغيمه ! ممطورة الحسن ترنيمه ! |
المرجله ماهي بشعر ٍ يُردد ! ـــ المرجله فعل ٍ ووقفات عُظمى ! |
شعلتي بالسِما نجمه وجيتك طفل ٍ ينادي ! ــــ يشوفك غيمة ٍ بيضا ويزهى فيك ويغنّي ! يحب الضيّ في عينك يطير ويحضن الوادي ! ــــ بريء ويلمس إيدينك ويهمس يالله أتمنّي ! لأنك أجمل الأجمل أشوفك زهرة أعيادي ! ــــ لأنك كلمة ٍ أسمى من الأسماء في ظنّي ! دخيل الكحل ياعينك , وعينك وحدها بلادي ! ــــ دخيل الثغر وإيديني كفايه تبعدي .. حِنّي ! |
| الساعة الآن 05:01 PM |
Powered by vBulletin® Copyright ©2000 - 2025, Jelsoft Enterprises Ltd.