نزل وحي الهموم يقرّي القلب الضعيف فراق
وانا بين المكابر والشجاعه ، والرجا والخوف

زرعت من الغلا بذرة تسامح في ثرى الاشواق
نبت منها المحبه والاماني دانيات قطوف

بعيداً عن حرم رب العباد الواحد الخلاق
جعلت ألك بخفوقي كعبه ومابه سواك يطوف

تفيا حبك بظِل الضلوع وكان له مشراق
وزلاتك تجي متطمنه يوم الزعل مكفوف

سليت من الفراق بجرهدي الوصل للاعماق
وكل هذا واشوف اني مقصّر واثرني ماشوف

عطيتك كل ما املك من شعوري بلا استحقاق
صنعتي منّها شلفا غياب لطعنة الملهوف

انا شفت الكسوف اللي ماشافه خالد الزعاق
وصرت الوم نفسي يوم انا من نفسي المكسوف

ورحت اندب زماني من قرا وحي الهموم فراق
انا متسرع وملقوف ،انا متسرع وملقوف