منتديات أبعاد أدبية - ماتستاهليني

منتديات أبعاد أدبية (http://www.ab33ad.com/vb/index.php)

- أبعاد الشعر الشعبي (http://www.ab33ad.com/vb/forumdisplay.php?f=3)

- - ماتستاهليني (http://www.ab33ad.com/vb/showthread.php?t=27661)

اقتباس:

المشاركة الأصلية كتبت بواسطة صالح الشملاني (المشاركة 736173)

صح الله السانك صح الله السانك ياعظيم
هذا الي اقدر اقوله

ووانسحاب بي دهشه !

:34:

شكرا اخوي صالح على مرورك الجميل والراقي

اقتباس:

المشاركة الأصلية كتبت بواسطة عبدالله صلال العساف (المشاركة 736250)

كيف اقدم للستاير والشبابيك اعتذاري
....................... ويش اقول لشرفة احلامي وشرفة ياسميني ؟

من يصحي وردتين الحب في عتمة جِداري
........................... من يفززلي عصافير الصباح ويحتريني ؟
صح كلك يا اسعد
اسعدت من مرو بهذه الخميله الشعريه
نص راقي ....

عبدالله صلال العساف:

شكراً لمرورك البهي وكلماتك الرائعة
تقديري

اقتباس:

المشاركة الأصلية كتبت بواسطة اسعد الروابة (المشاركة 735995)

بناء على طلب من اخوي وصديقي الشاعر المبدع عون القحطاني اضع هذه القصيدة بين ايديكم راجياً ان تليق بكم وترتقي لذوائقكم

كنت احس بطعنةٍ نجلا من عيونك واداري
.............................. كنت اكذّب رجفة احساسي واقول انك تبيني

ومن تلعثمتي بنطق اسمي ..وعكرتي نهاري
............................... كن ليلي علّق نجومه على عروة سِنيني

قلتي انك ماجرحتيني بقصد وكنت داري
............................. بس وش تنفع دموع العذر وانتي تطعنيني

صدتك اقسى من التلويح في فجر المساري
..................................صدمةٍ ماكنت متوقع تِصير وتهجريني

قلت ابلبس من جميل الصبر دام الجرح عاري
............................... وانتي اللي تلبسين الفرو والدر الثميني

و قمت اكابر وابتسم وآشوم في عز انكساري
........................... وادري انك تعْرفين الصدق من ربكة يديني

ولاطرالي انتقم للجرح وآرد اعتباري
............................. كنت خايف اقطع آخر خيط مابينك وبيني

ومن رحلتي مثل برق الليل في عرض الصحاري
........................... مرت السبع العجاف وطيفك يداعب جبيني

كل ماانْسى هَبّت الذكرى وِجابت لي طواري
.......................... عادت اسراب الحمام وحطت بشرفة حنيني

كيف ابقطع شعْرة الآمال من ياس انتظاري
......................كيف ابمسح دمعة الفصل الأخير بوسط عيني ؟

كيف اقدم للستاير والشبابيك اعتذاري
....................... ويش اقول لشرفة احلامي وشرفة ياسميني ؟

من يصحي وردتين الحب في عتمة جِداري
........................... من يفززلي عصافير الصباح ويحتريني ؟

من يفك زرار ضيقة ليلي وغبشة نهاري
....................... من يرش الما على جمر الجروح ويحتويني ؟

كيف خنتيني وبعتيني وانا اللي كنت شاري؟
.......................... السؤال اللي وقفت سنين عنده صدقيني !!

والعزا اني كل مااضما ماك واتْهِب الذواري

........................... آتيمّم بالصْبَر وآقول ........ ماتستاهليني

.
.
وأقول ماتستاهليني..
عذبه جدا .. ومتعبه..
صح احساسك يا أسعد
وشكرا كثيرا ..

أسعدك الله يا أسعد وأسعد الغائب الحاضر عون
يعني ما ذا تظن سيكون موقف الذائقة حين يكون نصا كتبته أسعد وطلبه عون
الله لكما أيها الرائعان
للشعر مع اسمك حضور لا يشبهه حضور
لك ولعون أجمل تحية وتقدير

أهديتنا والشعر من فرائدك
وتهديك القوافي وسام الجزاله
صح لسانك مليون ولا يكفون

اقتباس:

المشاركة الأصلية كتبت بواسطة هاني فهد العيسى (المشاركة 736304)

ولاطرالي انتقم للجرح وآرد اعتباري
............................. كنت خايف اقطع آخر خيط مابينك وبيني
الله يا اسعد
هنا انت كالماسك على الجمر بروح الوفاء على مامضى
تبارك المداد يانقي

هاني العيسى :

شكرا لك على هذا المرور الممطر جمالاً
تقدير كبير وشكر جزيل

قلت ابلبس من جميل الصبر دام الجرح عاري
............................... وانتي اللي تلبسين الفرو والدر الثميني

و قمت اكابر وابتسم وآشوم في عز انكساري
........................... وادري انك تعْرفين الصدق من ربكة يديني

ولاطرالي انتقم للجرح وآرد اعتباري
............................. كنت خايف اقطع آخر خيط مابينك وبيني

.
.

الشاعر / أسعد الروابة

قرأت لك كثيرا ..

ولا زلت أرتوي وأرتوي ..

دمت بهذا التألق ..

.
.

إلى أن أفيق ..!!