|
تقدر تخون اللي فتح صدره وطن ودار المنافي كلها وما ضيعك أرسى مراكب غربته ما بين رمشك والعيون؟ |
مر من العمر ثمان اجروح أو أكثر وانا للحين كلما مرني طيفك أسوي له حفل تأبين |
على الأبواب حنين أحباب بقايا سهرة البارح شموع وضيها مرتاب وانا وحدي هنا أحرس محبتهم أطفي الليل بعيوني أنيمني أرق يفرح بجيتهم واصحيني صباح الخير بقايا من حلم كذاب |
في عيون الليل تتمرجح ظنوني وفي عيوني تنطفي ابـ روحي صباحات الوجع ما رجع؟ السؤال الـ ضاع في زحمة حنيني واسمع ام كلثوم تصدح في خيالي (كلموني تاني عنك فكروني) وانسى إني ما نسيتك ارجع أسألني ابحسره واعاتب ادموع الـ بكوني ليه عنك وانت غايب يسألوني |
اذا ماتت أمانينا
وحسينا الكلام اصغر من اللي ما بعد ينقال (كيف الحال؟) سؤال اصفر نصل خنجر يصحي ليل ماضينا ويعزف جرحنا موال |
المكان اللي
مر طيفك فيه واقفى كان حافل بالحنين صوتك وهمسك ذكرياتك .. وعودك اسئله تنعى رحيلك والبقى افـ راحوا لـ وين؟ |
يـ الغيبتك حطت على صدري حزن مثل الحمامه اللي اكسروا جنحانها صعبه تطير |
تريد جرحك يلتئم؟ ابتسم اضحك ابـ زحمة دموعك غن .. ارقص للألم |
| الساعة الآن 05:09 PM |
Powered by vBulletin® Copyright ©2000 - 2025, Jelsoft Enterprises Ltd.