فوق الغصون اللي عليها حكاويك
‏حطّت حمامة ونوحها بجوف صدري

‏العمر كلّه يبتسم مع طواريك
‏طالت ليالي لهفتي ان كان تدري

‏اليا متى وانا مع سهيل اناديك
‏يبست منابع فرحتي وجف فجري

دسّيت حزني بالفرح عن ظنونك
‏ودمعي يسيل بداخلي في غيابك

‏قصدي أبيّن قوّتي في عيونك
‏وانا حنيني إْنصَلب وسط بابك

دوّرت بين اجزائي وجنوبي
شي يكرهك
اتكّي وارتكي عليه
واتحالف معاه ضدك مالقيت ..

ماكان فيك أشياء ضاعت أدوّر
‏أنا أدوّر فيك أجمل ضياعي

‏.
‏.
‏

لو كانت الدنيا برحابة عْيونك
‏ماكان فيها لا رحييييل ومنافي

‏و ليل ٍ تحدّر واختفت به مْتونك
‏يخلّيني اسري درب الاشواق حافي

‏.
‏.
‏