|
فضفضة لأول مره
أبي أسولف وأدري أن اللي يقرأ بيسكر الصفحه من أول كم كلمة يقراها بس عادي جداً أقرى توقيعي وتعرف أن كل شي عادي عندي ؟؟ يعني أحيان أفكر أني أرسم رسمه وأقوم أجيب لي ورقة وأدور لي على أقلام ألوانها مختلفة طبعاً لأني ما عندي علبة ألوان وآخر مره شفتها بالإبتدائية ولما أبدأ الرسم أكون مسوي لي رسمه كأنها [ عجوز شمطاء على قولة المعجم ] وأمسكها وأقطعها وأقول بلا طفولة متأخرة ! لكني خذيت من الرسمة فايدة وحده بس ! لقيتها تشابة الكثير بمحض الصدفه تشبة ملامحهم أطباعهم لأنهم كانوا مثل الورقة نشوفهم ناصعين لكن من حطينا القلم عليهم أكتشفنا وجيههم الحقيقية وللرسم فوائدُ ! |
يقولون الشاعر حامل رساله وبصراحة بعض المرات أحس أن المقولة هذي خاطئة أحس أنه حامل حبل بيده وينشر غسيلة فيه يعني يكتب قصيدة وفيه بعضهم يوصف ديرة حبيبته ولا بعد منطقتها وأسمها وإذا خربها خربها ذكر اسم قبيلتها وبعضهم يشرشح صديقة عشانه زعله يعني أحس بعضهم يدور الزلة على صديقة عشان يهجيه واذا كان طيب طيب ومخربها يعاتبه ولا تخلو من لسعه او لسعتين يعني ناشر غسيله هو مو حامل رسالة ! طيب مو لازم الواحد ينشر كل غسيلة يعني يقدر يخبي ثوب ثوبين داخل كبته ويعلقهم احسن له ولا يعني شرايكم أدري أن فيه البعض يقولون هذا ما عنده لغة ولا يتكلم فصحى ولغة شوارعيه ومن هيك حكي بس مو مهم نرجع نقول عاآآآآآآآآآدي لأني بصراحة مليت أكتب أبيات وأدري أنتم مليتوا عشرين قناة شعر وخمس مية مسابقة شعر ومجلات وجرايد ومنتديات شعر شعر شعر مافي إلا شعر ! أحس أني بكتب لي معلقه بالمتصفح هذا من كثر الأبيات أنا مو طماع كتيب صغير لي برف بزاوية مكتبة البابطين اللي بالكويت أو مكتبة جرير بالسعودية أنا راضي ! بصراحه ضايق خلقي وعادي هااااه ! |
من شريط الذاكرة !
قبل سنتين كنت موظف بشركة من أحدى الشركات المقبوره بذاكرتي على حد علمي شركة يعني فيها موظفين بس مافيها موظفات يعني للرجال فقط ! ذكرتني عبارة للرجال فقط بإستراحات المستشفى ! كأني شطحت عن الموضوع ورحت بعيد عن سالفتي المهم نرجع لمحور الحديث الشركة المقبورة بذاكرتي كان فيه موظفين معانا أجانب أثنين أمريكيين وواحد بريطاني يراقبون البيع بالشركة لأن الشركة 40 او 50 بالمية لبريطانيين مدري أمريكيين المهم ما ابي اشطح ثاني مره ! طلعت برا لأستنشق الهواء العليل وأشوف الجو العجيب الساعه 12 ونص الظهر ولا لقيت البريطاني مدري الأمريكي المهم أنه وجهه أحمر وعيونه زرق فيعني أبي أسولف معاه انا من ضيقة الخلق حافظ لي كم كلمة أنجليزية وأبي أطبق على هذا المقرود بوقت الظهيرة قلت له : هالوا قال : هلو ومد ايده لي وصافحني قلت له : ( ذا سن إز هوت ) يعني الشمس الحاره قال : ييه يعني ايه او نعم قلت له : آيام فايسال ( أنا فيصل ) قال : ويلكوم آيام شارل قلت : آر يو هوم إن ذس سيتي ( يعني أنت بيتك بالمنطقة هذي ) قال : نو قالي : وير يو هوم ( يعني وين بيتكم ) قلت : ماي هوم ( يعني بيتي ) .... هناك وأأشر بيدي >>> توهقت ما أعرف الإتجاهات قال : آووه يعني يبي يرقع لي الموقف مع أنه ما فهم شي بس درى أني بصوب واللغه الإنجليزيه بصوب صج أبن الأمريكية أنه أبن بريطاني محترم ويراعي مشاعر الآخرين كلهم نفس الشي إنجليزيين ولا نسيتوا ما قلنا بالأول وجه أحمر وعيون زرق ! وأنا إعرابي ملقوف وسولفت معاه :( صج صج مو عادي هالمره ! |
الصبح هذا يختلف صبح ثاني ......... صبحً خطفني قبل أوادع مسايا بـ توقيت السهر هربت عقارب النوم إلى خارج قطر العين ! |
لـ حفر الباطن مدينة طاهره بأهلها ببساطتها بـ أحياءها بـ جلساتها لو الحفر قاعً جردْ مابها نبت ........... وأطلالها خزان وبيوت دورين أجمل مناظرها تفرحك لا شفت ! ........... شايب يدينه تمسك أيدين طفلين |
قلت أشنق الروح في أشجار ميلادي ! مدام ما ألقى أحد يطفي لي شموعي كل شي أشوفه غدى في نظرتي عادي ! عاآآآآدي بليا سبب ..! تتساقط دموعي ! إشراقة حزن ..! حاولت أدور لـ الكتابه عناوين ! ........... لقيت عنوان الكتابه : كآبه ! |
ماهو طموحي بصح بدنك ولسانك ........... ولا ردودً تدون ضمن صفحاتي أكتب شعوري ولا أكتب على شانك ........... أبسط قصيدي يعبر عن قناعاتي قمة طموحك تضم البنت لـ أغصانك ! ........... والبنت ماهي طموحً من طموحاتي ! |
أنا مليت من صبري وصبري حيل مزعجني ! .......... تصور ! ملني صمتي وشق الصمت كراسه |
| الساعة الآن 10:26 AM |
Powered by vBulletin® Copyright ©2000 - 2025, Jelsoft Enterprises Ltd.