http://blogs.e-rockford.com/applesau...north_pole.jpg



مدي خيوطك قيدي ستر الظلام واحبسيه
.................. لين الغروب وعاودي مدي يدك لـ/يقيدك
أبسألك من كم ولك في كل يوم تقابليه ؟
............ ما يخلفك موعد ولا انتي اللي خلفتي موعدك
رغم الوفا اللي بينكم ليه ما قدرتي تحضنيه ؟
............ ليه لا حضرتي تطرديه ولا حضر هو يطردك ؟
ليه ما شعرتي به وهو ساهر قدومك يحتريه ؟
................. يعدد نجومه أرق وانتي هنيتي بمرقدك !
وليه ما شَعَر بك وافتهم يومك خجلتي تخبريه ؟
........... ما يدري تستعري عشق حرّك لظى في موقدك
يا شمس كنتي شمعة ٍ عشقك كِبَر ما تحتويه
.............. هالحين غيمات المصيف اللي تحاول توئدك
ليه كل واحد منكم يخجل عن اللي هو يبيه ؟
............. ضيعتم سنين العمر في كبّرتَه وفي سؤددك