|
http://tarb.net/download.php?action=lsn&id=4013 ياقلبي الطيب تجي نسافر ... نروح هناك تجي نسافر ... أنا وياك نروح بعيد ياقلبي الطيب تجي نسافر ... نروح هناك تجي نسافر ... أنا وياك نفك القيد ياقلبي الطيب تجي وياي .. نهرب من / الأحزان و / السجَان .. وصوت الناي تجي وياي .. على دربي تسج خطاك / وعلى دربك تسير خطاي ياقلبي الطيب تعب نبضك وأنا تعبان تجي نسافر نروح هناك .. أنا وياك .. ننسى من خذل طيب وجازى صبرك بنكران |
تبي تروح لغيري ياسبة عناي
انت حر وخصيم نفسك!! بس حط في بالك ياهواي اناعلى حطت ايدك وغرسك ¤¤¤ ياعزتي لي وياحسرتي وياشقاي بتروح في عالمك هايم وبتخليني اعيش باقي العمر نادم.. ¤¤¤ انتهى كلامي.. وغاب صوته.. ومات سمعي.. والدمع حارق.. ياطول ليل المفارق.. الجو في كل الدروب خانق..!! أحس الروح تتبع قدرها ومخوفها المعانق.. ¤¤¤ الساعه عقاربها تدور.. والأرض جدبا مافيها زهور.. زهره سقيتها بكف يمناي وقطفها غيري وانامالي عذر ولاني معذور.. حذروني ان الشوك بأغصان الحلو الغدور.. ¤¤¤ شوكة ماآذت يدي.. ولاهي لامست شي بجسدي.. انغرست هنا بين الضلوع.. في اضعف مكان.. في بيت الحنان.. اللي ضيفته فيه وقلت مكانك هنا ياسيدي.. ¤¤¤ آآآه وين أهرب من واقعي اركب سيارتي وكيف ماتجي الأمور تجي...؟؟ ¤¤¤ في ليلةٍ قمرا.. والبرد جلاد.. والمصير ابعاد.. ودفى الروح مخلف الميعاد.. ¤¤¤ رجفة ايدين.. ودموع تحرق صافي وجنتين.. وقلب مكلوم.. كواه حلمه بنار البين.. اعتليت المركبه وبدا المشوار وكنت نادم!! ¤¤¤ داخل القمره وعلى جادة طريق سحبت لي أقرب شريط وبدى القيثاره وبصوت هادي يقول: مقادير ياقلب العنا مقادير مقادير وش ذنبي أنامقادير مقادير وتمضي حياتي مشاوير واتمنى الهنى مقادير ¤¤¤ وصلت لمدفن الحب.. وصلت للي ماتمنيته يصير.. هنا من هذا المكان.. بيمسك يدها وبياخذها وتروح.. هنا بينتهي كل الطموح.. هنا بجفف دمعتي.. هنا نهاية قصتي.. ¤¤¤ اليوم يزفونك عليه.. ياشقى قلبي على شي بيجيه.. ¤¤¤ صوت الزغاريد.. وأحلامي تبيد.. صوت الأغاني والطبول.. وانا متملكني الحزن عرض وطول.. ¤¤¤ يارب تفرجها علي.. يارب تقويني شوي.. ابي اشوفها بفستان الزواج!! بس ابي اتخيل اني زوجها وانها حلالي و لي.. ¤¤¤ بعد طول انتظار وبعد ماعشت المعمه زفوها معه طلعت وهي ماسكه يده وانا اطالع من بعيد ضكت بصدري عبرة وله ووطيت راسي العنيد وعدت الشريط من أوله مقادير ياقلب العنا مقادير ¤¤¤ الدمع ماوقف سكيب ورجعت نادم نادم على حظي الردي نادم على قلبي الوفي خانه أغلى حبيب ¤¤¤ تعديت الدوحه والخبر فوق الجسر وقف المحزون تحته بحر وده ينتحر وده قبل الشروق يموت واعتبرها الفرصه اللي حرااام تفوووت.. وصاح فيه ضمير الحق والإيمان.. والخوف من ربه الرحمن.. أمك مالها غيرك تنتظر.. وانت تحاول تنتحر.. ¤¤¤ ارجع وربك يفرجها عليك.. اكيد بتلاقي من يحبك.. مايبيعك يشتريك.. لميت نفسي وقمت راجع.. أضم في جوفي مواجع.. الوجه الثاني من الشريط ابتدا.. والحزن فيني ماانتها.. صوت خالد يغني ويقول.. موااادع وكم خلن قال بعد فرقاه راجع.. موااادع وكل خل جاك يجيه وقت ويوادع.. ¤¤¤ ومثل الغريب لفيت الشوارع... ¤¤¤ عند الاشاره.. وقفت سياره.. فيها كل مظاهر التمدن والحظاره.. هذي سيارة العريس!! وهذي ليلاك جنبه ياقيس.. تشوف قد ايش فرحانه.. وانت بعت عشانها الغالي والنفيس.. آآآه يالحظ التعيس... ¤¤¤ إلتفت أطالع يمين.. شدني منظر حزين.. شاب يذرف دمعتين.. على أنغام ودعت جرحك.. ¤¤¤ ودعت جرحك للأبد ودعت جرحك مالك غلا عندي أبد ودعت جرحك كنت ألقى في قربك حنان وأنسى معك حزن الزمان غدار مالك أي أمان وش اللي أنتظره بعد ¤¤¤ شدها الصوت ولمحتني واقف جنبهم شافت اللي كان مجنون بحبهم وشافت الدمعه الأخيره من اللي حبها وماباع لجل الدنيا ضميره.. يالله عسى بفراقها خير.. يالله عسى بفراقنا خيره.. كانت الدمعه الأخيره..!!! وكنت نادم ¤¤¤ |
مجاراة
على وجه الرصيف وقف ماثل بوجه المـــــــــدى وصوت وتمتمات الريح على وجه الرصيف ذكر حلمه الضايع ســــــــدى وشاف المباني تصيــح عيون كثار مرَت ترقبه " في ليل العتيم تتهادى تشبه ملامح ضـي " قام يصرخ ودمعه يغلبه "لا ترقبوني .. ما فيني شي أنا مافيني شي" "متفائل" مادرى هالغشيم إن ليلها وردي وليله الشاحب عتيم "متفائل" وجاهل بكل اللي حاصل مادرى انها تشوف نفسها فوق مستواه بمراحل ولامنه كتب بأبعاد وبرَّد على دمــًّه قام الحزين وراح لأمـــَّه يبي التحنان وشيٍّ من أحزانه يلمــَّه يجيه غيث الفرح منها وعلى صدرها الحاني تضمــَّه واذا ارتاح وانجلى همـَّه مسح دمعاتــــه بأطــراف كمــَّه و راح يتسلى عل وعسى الغربال عنه يتجلى ينعش عروقه بسيجاره نار في جوفه تكويه بحراره وده يزيل الحــــزن ويطرده وينفض غبــــاره إيه أضحك أضحك وبداخلي الكثير من الأسى و الهمـــوم اللي بوسط صدري من صدودك تعـوم وأعشق اللون الرمادي واذا غفى حلمي وتهت عنك بسهادي رجعتك لعقلي يا "طفلتي" وخليته يغني لك عبادي " كفاك غرور " جــور ويتبعه جــور وانا اللي فيك ميّت ومن جفاك مقهور أحزاني أشباح وهمومي مسوَّره بقبـــور يرفرف لك في قفص صدري الحزين عصفور يردد اسمك بنبضه " كفاك غرور " " كفاك غرور " لاتغرك ضحكتي وتلاويني وعفرتت طبعي وفوضى شياطيني انا قدامهم بحلف يميني اني احبك واهذري بك ... وأحب كذبك وألاعيبك لا تقولي اني مثلهم عادي وتساوميني على رغبتي فيك وعنادي وانتي تدرين لامنه مـرني اسمك والمكان هادي قلت لقلبي اللي منك تـــايه هذا اليـوم يـوم ميلادي هذي افراحي هذي اعيادي كيف ماأتوه وأضيع لاشفتك ؟؟ وانتي كل شي فيك أحبه وبعيني خرافي اكتب لك والرعشه تنفض أطرافي أحتاجك على ضفافي |
لاتهمك تخاريفي ياأجمل تعاريفـي لحظة شوي .. مشتاق والله للتناحه،، ودي اخذ راحتي،، ياتفاحتي،، ياتناحتي،، أنا ما قلت لك إذا مر يوم او يومين او عشره وأنا عن قليبك بعيد.. لا تخافي من الغياب..ولايصيبك ارتياب.. لحظة شوي.. بحكي لك ... بقلبي شي صارحيني اذا بتعزفين على أيامك،،أقداري اذا بتآخذين مع أوهامك،،أشعاري اذا بتتركي حديث الامس للأزمان.. للآهااااات.. للنسيان.. اذا بتفضحي بصدرك بعض أسراري.. تريثي ...... ترى صدري ماحوى غيرك اسألك بالله لاتبيعي ضميرك لحظه شوي ياقمر ليل مجنونك ياشمعة الضي مانزفته أمامك فكر رسًــام وريشه ... وكراسة رسم .. ألوانها دم وقلبي على صفحاتها وشم!! برسمك..حبيبتي ولو ماعرفت أرسمك يكفيني إني أمزج ألوانك..من أوجانك ويكفيك إنَك ريشتي..كراستي مرسمي..صفحة ايامي..وكل شي قدامي علميني مايكفيك بوحي.. والا مازلتي تبين ثمن لجروحي ؟؟ تعاااااااال فك القيد لو تسمح وش فايدة قيدك؟؟ حرير ما يجرح ...... ما يذبح ...... تعاااااااال لو تسمح إصفح ... انا بأصفح .. وفك قيدي واذا انت ناوي عالغياب قبل ترووووح لوتسمح هاك الوريد سن سكين الغياب وإذبح |
|
http://www.ma4ma.com/upup/uploads/c44d0e4be3.gif
أردت أن تسبقني هذه الورده الى بريدك ولكن لم أتمكن من ذلك اخترت ان أحفظها لك هنا فأنت تستحقيها وهي تستحقك :) |
|
|
| الساعة الآن 04:33 AM |
Powered by vBulletin® Copyright ©2000 - 2025, Jelsoft Enterprises Ltd.