|
ريحة مطر .. مرّت علي!
بالله هذي ريحتك ؟ الجو فيها ممتلي ! يمكن بقايا .. زينتك ؟ طيفك .. عبر لحظة .. شِعر ! ثم أمتلى الشارع غزل ! ريحة مطر .. ريحة خجل الجو به ورد .. إنتثر ! |
ردّي التحيّة ياملاك ..
احتاج لي بعض العطر! طيرٍ ندهلك .. باارتباك! ملّ إنتظاره .. عالشجر ! ودّه يحلّق .. في سماك ! والله ما منها .. ضرر ! يافاتنه .. يسعد مساك ! انا الملّقب .. بالمطر ! انا اللي ضامي وانتخاك! جيتك وانا شايل .. زهَر ! |
شاعرك موزونه .. أبياته
مير البلا .. داخله " مكسور " أستبدل الحزن .. ضحكاته ياحلوتي وين هذا النور ؟ دورت في كل ظلماته .. والله هو خافي المستور ! مريت في كل رمضاته .. حافي قدم ، مارقيت السور! كم وجه صافحت مأساته! مامرّ .. في صدري المقهور ! |
الحاجه اللي حدتك للملامه ياليتها مابينت روس الاقوام قلنا سحابة صيف .. صارت غمامه خلت كبير القوم مشمت للاقزام ماكل رجّالٍ لبس له .. عمامه وماكل بندق يابن الاجواد تنسام |
أدور الصوّره وأشكّل ملامح ! ــــ مابين وجه من التعب طاح نصفه ! والنصف الآخر : دامي ٍ ومتسامح ! يهزني بروازها ـ رغم قصفه ! طفل ٍيدوّر للمرح والأغاني ! طفل ٍ تبنّاه الزمن للأماني ! طفل ٍ يحب الكف لو كان قاسي ! طفل ٍمن العابــه يكوّن مباني ! طفل ٍ رماه الوقت في حضن غابه ! حتى الوطن ينهش مواطي ترابه ! يمّد للدنيا .... أكف السحابه تمّد له : جمر ٍ يزوّد مصابه ! من كثر ماهو طيّب ٍ ومتسامح ! ماقبل نومه ــ يرفع إيديه يدعي ! يارب سامح كل منهو جرحني ! * * كبر هذا الطفل ... وأنبت ! على شف الندا صوته ! كبر هذا الطفل : حلمه ! وأثمر صفــعة المنفى ! من كثر ماهو حب تربة بلاده ! يظن صوت الأرض : هو صوت أمّه ! تفاجأ باأكثر الأردى وتكرار الزمن : يُتلى ! بلاده ماهي بلاده ! وناسه ماهم بناسه ! وثوبه ماهو بثوبه ووجهه خارج الصوره ! وبرواز التعب : طايح ! * * * من اللي ياوطن : قصّر ؟ ـــ أنا أو إنت ... ماأذكر ! ؟ أنا هذا الطفل تذكر ! ؟ من اللي حطّم الصوره ؟ رغم طيبة ملامحها ؟ وأنا ذات الطفل ... وأدعي ! ياربّي تحفظ بلادي ! من اللي ياوطن , ساذج ؟ أنا طبعاً ... وأنا آسف ! ماطاح طفل ٍ من جناحين صوره ! قِل : طاحت الدنيا وماتت أماني ! |
عندما يتجه الشاعر ، للشعر السياسي ، او المديح ، يزيد إرتجاله للشعر ، ويذهب إبداعه ، تقوى كلماته ويقل إحساسه ، تزيد حدة نبرة شعره ، ويفقد الطفل البريء الذي داخل شعره !
#وجهة_نظر |
|
ماعاد صدري يحتمل جرح هالناس ! ياحلوتي مخنوق من كل حاجه ! انا تعبت أقول عادي ...ولاباس! حتى العطر هذا .. رمته الزجاجه! |
| الساعة الآن 04:57 PM |
Powered by vBulletin® Copyright ©2000 - 2025, Jelsoft Enterprises Ltd.