|
ننتهي لنبدأ من جديد !! وهكذا ..... حتى ينتهي العمر وتصعد الروح ونحن ما بين بداية ونهاية و نهاية و بداية !! |
تكفيني منك أشارة ! |
عندما ارحل من هنا .. لن افتقد سوى روحك ! |
|
ماذكرتيني ؟؟ نسيتيني .. وسط شمس الجفا حافي وفجأه ..تبرد اطرافي تكسر برد ونار الشوق تشعل جمرها الخافي ويورق بي المسا ذكرى وتورق بالخطا المسرى واحس ان الشتا فيني يدور بي ركن دافي ماذكرتيني وانا قبل الوعد .. جيتك قبل رجلي .. قبل شوقي قبل الانفاس في صدرك ... وغنيتك دريت انا لجفا بيتك ودريت ان الوفا بيتي .... بعيد هنااااااااااااااااك عن بيتك.. ذكرتك لو نبت زرع الغلا سكين ولو مات الوفا مسكين ذكرتك كنك الدمعه وسط قاع الألم والعين تعالي كنك البسمه ... وروحي كنك السكين تركتي هالفراغ اللي مابين الشمس ومابيني ..يملا كل شي فيني تركتي الأسئله تنبت بحلقي شوك ..أرويها بتخميني تركتيني بلا مينا ... بلا حايط بلا قنديل نذرتي دمعتي لليل وخذتي من وراك السيل أحبك ... ليه خذيتي الشمس ؟؟؟ وليه دام الوعد باكر ...يمر ويستوي بالأمس ؟؟... ويكبر أمس ..ويكبر أمس.. تمر سنين ..ولا مر الوعد باكر ...ولا مر الوعد بالامس آآآآآآآآه ياصمت المدينه ..لي متا.. تضوي لي انوارك .. حزينه؟؟ والضباب ...يلف من حولك يدينه لي متا والشوق ياخذني ... ويبحر بي سفينه أغراب في صدرك .. مدينه.. إغلقي البيبان ..إرفعي الجدران ليمتا ....والبرد تصفعنا يمينه .. رحلة المجهول غول من قطع في رحلتة كل الفصول.. ومن مسك في قبضته صحراء وبالاخرى حقول.. جيت احمل الغاردينيا وانكسر ظهر الذلول.. وش بلاها الارض مافيها مكان للهروب.. في الشمال انتي وانتي في الجنوب.. وين اخبي دمعتي او كيف اوقف هالغروب.. وش بلا هالناس مافيهم احد غيرك ولا غيرك احد في الناس.. اصغر جروحي مدينة..واكبر جروحي هو انتي ليمتى هذا الفراق ليمتى حزني يطل بنظرتي ويصافح عيون الرفاق كنت انا ابكي وذكرتني دمعتك عمق المحبه بين دجله والعراق.. وش بلانا كل ما جينا نقرب ارتحلنا للبعيد.. وش لقينا في البعيد غير مركب غارق تلعب به الامواج من ايد لأيد.. وش بلانا كل ما جينا نتلاقى انكسر فينا الجناح.. لا القوافل وافيه ولا الشراع ارتاح من آآه الرياح.. ضمدي في همستك عمق الجراح واعسفي الريح الجفول.. وعلميها كيف تعسيف الرياح بس مري.. بس مري واذكريني واحضنيني طفل يلعب .. ثم طاح بعدها لو تقتليني بأحلف اني مت واحيتني الرماح.. " جاسم بن همام " |
ما نسيتك وأنت ياللي من ضلوعي والوريد أذكرك .. لولاك ما مات الهوى والقحويان من رحلنا ما بقى عندي من علومي جديد غير ليه انّا رحلنا ليه رمح الحظ خان الندم يرعى بروحي حلم والآمي تزيد والشتا يبّس عناقيد الصبر والليل بان كنت غارق كنت أنادي لا تخليني وحيد واثر أنا وياك للفرقى رحلنا من زمان أذكرك ,,لاما نسيت احساسك الفض البليد آآآآه والجرح المتقى بين ضلعيني جبان أذكرك ,,وش باتذكر وش اخلي ويش أعيد يكفي أني كنت عايش معك ما ذقت الحنان خلف ظهر الليل جيتي ناي وأشواقي قصيد وتو عين الليل رحتي جرح والدنيا آمان تزرعين الشوق كذبة طفل وسيوفك أكيد تحمليني من مكان وتتركيني في مكان ادري أني ما عشقت إلا مشاعر من جليد ادري أن القلب يوم انه عثر عثرة حصان ما نسيتك وأنتي اللي من بعيد إلى بعيد تكرهين الليل نبض وتعشقين الليل دان الكلام الليي بقوله أنتي قلبك من حديد تخلطين السم غدر في كؤوس الزعفران ايه انا راسي عنيدً ايه انا راسي عنيد ما تعودت بحياتي اعشق خيوط الدخان "جاسم بن همام " |
ليتني طير إلى من ضاق رفرف بـه جناحـه لا تضايق حرّك الجنحـان لحـدود السحابـه يرتفع حتى يبدل ضيقـة الصـدر انشراحـه يعتلي النسناس ويعانق بـه النـور وضبابـه لو يروح بعيد ما أحد يسألـه سبـة مراحـه ما هو بمثلي يفجّـر ضيقتـه دمـع وكتابـه "....." |
كم من الوقت نحتاج لنشفى من جرح غائر يستوطن الروح !! |
| الساعة الآن 02:19 AM |
Powered by vBulletin® Copyright ©2000 - 2025, Jelsoft Enterprises Ltd.