هذا الخبر
اليوم من عقب صبر العام جاني خبر
من ناس حولك وطمني حبيبي عليك قالوا لي إنك بدوني ماشكيت الكدر وإنك بخير ونسيت ايام حبي هذيك هذا الخبر مدري افرح فيه ولا انقهر نصفه بشاره؛ ونصفه عاث في مهتويك لكن؛ قبل تصدر احكامك علي انتظر بعلمك ليه فارقتك وانا اموت فيك لاتحسب أرخصت حبك؛ كل مافالأمر إن الزمن حال دونك ولا انا مشتريك ليتك.. دريت بعنا قلبي وطول السهر وإني برغم إنك مسببّ جروحي ابيك لازلت.. احبك ولانقص غلاك الهجر ولازلت ظامي ولالي حلم غير ارتويك حبك قدر عمري ومنهو يرد القدر؟ والله لو هو بكيفي ماحييت احتريك البال.. ما يشغله غيرك مابين البشر والقلب.. مستوطنه وحدك ولالك شريك حتى الشعر فيك له قيمه ووزن وقدر َوبغيرك من البشر لو قيل يصبح ركيك جوّدت وصيّة البدو وعشقت القمر والنجمة إن راودت قلبي يصد.. ويجيك شفني على شانك استسهل دروب الخطر ولاتردد.. ولو يصبح مماتي وشيك يامنيْة ايامي اقسى.. والتمس لك عذر كلي فدا عيونك الثنتين هذي .. وذيك وكانك تحراني اسلى عنك.. وين المفر؟ عجزت لـ أسلى وخفاقي على راحتيك واليوم.. ماخاف اجيلك عقب هذا الخبر الخوف لاجيت لك مشتاق اكدّر عليك |
واليوم.. ماخاف اجيلك عقب هذا الخبر الخوف لاجيت لك مشتاق اكدّر عليك .. ?! هالبيت لحالة مشهد كبير يا حسام اكيد مهو نهاية شف وش يتبعه من احساس وكلام صح لسانك رد ود |
اقتباس:
|
حسام المجلاد
نص فاخر ورائع سلم بوحك ودام قلمك سجل اعجابي ومتابعتي أختك وداد |
اقتباس:
|
رائع ياحسام
تقديري |
واليوم.. ماخاف اجيلك عقب هذا الخبر
الخوف لاجيت لك مشتاق اكدّر عليك حسام المجلاد.. صح السانك وعتلا شانك قصيدة سرررني قرائتها وفقك الله |
صح لساااانك
نص جميل دمت وسلمت |
الساعة الآن 03:19 PM |
Powered by vBulletin® Copyright ©2000 - 2024, Jelsoft Enterprises Ltd.