كم ثلاثين في عمري عشان احتريك ؟ إن نطرتك ضياع ... ولا تركتك ضياع !
انتظار ... وتناقض
كم ثلاثين في عمري عشان ... أحتريك ؟ إن نطرتك ضياع ... ولا تركتك ... ضياع . . . من غيابك ... أحس الخوف كله يبيك وان سمعتك تناديني حضورك شجاع ! . . . تدري لو قلت فارقني أنا ما أبيك كنك تقول " الله لا يجيب الوداع " . . . وكل ما بعتني ... ترجع تقول " أشتريك " وانت تشري حياتك ... والعمر ما يباع . . . وكل عذروب بالدنيا ... ألاقيه فيك غير سطوة هدب رمشك ... عيونك وساع . . . تدري ان المعاتب متعته شفتيك ليه تحرم عيوني متعة الاستماع . . . وليه ازعل ونفس الوقت ارضى عليك إن لبستك خيال ...ولا نزعتك قناع . . . والله ما ادري أعدك شعب وإلا مليك مدري آمر عليك أو انت أمرك مطاع . . . ارفق بحال قلبي دام أمره بديك لا تخلي حياتي من ضياع ...لضياع . . . وسلامتكم |
محسن الدويخ
صباااااااااااااااااااحك سكر وابداااااااااع صح لساااااااااااااانك ولاهنت دمت بخير |
محسن الدويخ
تقف هنا كل الاقلام بيض الله وجهك السمح وصح ألسانك فيافي |
اقتباس:
طاب صبحك يامحسن ويعطيك العافية نص روعة................... |
محسن دويخ ـــــــــــــ * * * قصيدة عذبة كالماء من شاعرٍ يُجيد الارتقاء نحو السحب وقطف الغيم : كتابةً وحبّا . شكراً لك |
اقتباس:
الشاعر الرائع محسن الدويخ كلماتك كانت قريبة جداً من القلب أجبرتني على تسجيل كلمة إعجاب بروعتها صح لسانك أخوي ودمت بخير |
رقيقة رغم الضعف فيها
برأيي لو مارجعت لك بع ذي عساها على الوجه |
محسن الدويخ
صح الله لسانك نص شعري أكثر من رائع يستحق القرأه والإشاده به أبدعت في حروفك وجزاله المعنى سر جمال القصيده فلله درك وسلم لنا حسك الشعري الرائع ودمت بخيرررر |
الساعة الآن 03:58 PM |
Powered by vBulletin® Copyright ©2000 - 2024, Jelsoft Enterprises Ltd.