سكر زيادة !!
السلام عليكم ورحمة الله وبركاته لقلوب الجميع نص : سكر زيادة ! • ____ • صباح الخير يسعد هالصبـاح وياصبـاح الخيـر ___ من شفاهك صبـاح الخيـر تطلـع سكـر زيادة صباح القهوة الحلوة صباحك فـي عيونـي غيـر ___ صبـاح العشـق لاغنـت علـى طاريـه ميـادة صبـاح القامـة اللـي لاتثنـت ماتبـي تبـريـر ___ تهز عروش كل الغيـد .. تبقـى لحالهـا غـادة صباح أحلا دلع .. وأحلا غنج لـه داخلـي تأثيـر ___ صباحك وش صباحك : ماعرف وصفه ولا أبعاده صباح يشـل تفكيـري وأحلـق خـارج التفكيـر ___ صبـاح ٍ مايبـي موعـد يجـي دايـم بميـعـاده فديت الوالديـن اللـي لفـوا بـك مابهـم تقصيـر ___ لفوا بالفتنة .. الا ( الفاتنـة ) للقلـب وأمجـاده !! تعالي طيّـري سـرب ٍ بقلبـي يعشـق التطييـر ___ تعالـي سيـدة عـرش الخفـوق وقمـة أسـيـاده تعالي حرري قلـبٍ مـن همومـه يبـي تحريـر ___ حلف ماتسكنه عـذرا سـواك ومعلـن حـداده !! تعالي مهرة تحـوط خفـوق وترفـض التسويـر ___ مثل ماحوط الإغريق قلـب ( حصـان طـروادة ) تعالـي بشـرّي ( خالـد ) بشر يطلبـك تبشيـر ___ يبي بشرى وصال بلا أنفصـال ويعلـن أسعـاده تعالـي فرحـي شاعـر يبيـك وخانـه التعبيـر ___ تلعثم ضاعت حروفـه لقـى فيـك أسعـد أعيـاده وانا شاعر ولي حرفي واجيـد الوصـف والتصويـر ___ ابا اوصف جمالـك مايسر العشـق وأجـواده فديـت الغـرٌة اللـي ليلكـيٌـة قـمـة التٌحيـيـر ___ بها من ظلمـة الليـل العتيـم اللـون وأحيـاده !! تجـي بـأول جديـل ٍ ينقسـم قسميـن ثـم يثيـر ___ جنـون الغيـرة العميـا بجـد الجيـل واحـفـاده تحتها جبهتك أو مطلـع الشمـس وضيـا التنويـر ___ على تقويـس حجـان ٍ تجـي كحـلا كـذا سـادة تحتها رموشك الغدرى سهـوم .. ولاتبـي تنظيـر ___ تشكّل ( دائرة بـرواز ) لاأحـلا عيـون صيـادة تحتها سلة السيف (الخشـم) سيـفٍ بـلا تشهيـر ___ شهيقـه ( طلسمـة ساحـر ) زفيـره ( جـن ورٌادة ) هنا توتٍ سكن وسـط الشفايـف وأعلـن التبذيـر ___ بـدا ينسـج بـذاك اللـون الاحمـر نـار وقٌـادة بعدها دبلة الخطبـة خـذت مـن مبسمـك تدويـر ___ ولكـن مبسمـك لـه جاذبيـة تفـضـح عـنـاده يـزوٌد جاذبيـة مبسمـك صـوتٍٍ يـرد الطيـر ___ يشـك أن البشـر تأخـذ مـن التغريـد تــرداده مرايـة جيـدك السحـري تعاتبنـي تبـي تقريـر ___ نسـت مـن زيٌـن الالمـاس يـوم التـم بقـلادة بعدهـا بتـرك التفـاح يتكـلـم بــلا تكـديـر ___ يبي يُنشـد علـى كيفـه وانـا استمتـع بإنشـاده على خصرً تهصّـر بـه يشـح بعسـره التيسيـر ___ أحسٌ الجمع يصبـح بـه مثنٌـى يكـره إفـرداه يشيله ساقك المدمـج .. أو المبـرم لـك التخييـر ___ على راس القدم عشر الاصابع ضمـت أحـاده !! خلص بوقف ؟ بلاش أوصف ( قليلي ) يشبه التكثير ___ وصفت ولا وصلت لوصف يجمع عشـق وريـادة أنا ماأبي سوى ( موضوع واحد ) أي (فقط لاغير) ___ أبى أعلـن للفـرح موعـد وأجـدد عيـد ميـلاده فديتك ياعسى قلبي وصل مسكـك وعـاف الكيـر ___ وارقص سكـر زيـادة علـى نغمـات ميٌـادة !! ( شبل الشمال ) |
خالد الرويلي ــــــــــــــــ * * * ينثر العشق : شعراً وينثر الشعر : وصفا . جميلٌ ما بروزته هنا يا خالد وله ولك شكرٌ يفوق الأجزل . |
لوحة فنية من الطراز الأول خالد الرويلي لاعدمت روعتك ياسمي |
. . خالد.. الرويلي.. يكتب.. الشعر.. وكأنّه.. يُغنّي.. ويُغنّي.. وكأنّهُ.. يكتب.. الشعر.. نص.. أكثر.. من.. جميل.. . . |
. . هالقـصيدة فيها مـن الـحـلى ما يجـعـلنا نـذوب بطعـم هالسكـر . . الشاعر الرائع ... خالد تصويرك رسـم لـوحـة بالغـة الجمال سلمت / وسلم فكـرك . |
خالد الرويلي
قصيد ه من اروع ما قرأت ممزوجه بروح من الجمال وبطعم السكر مليارصح قلبك |
خــالـــد الــرويـلـي
شــبــل الشمـال لا اجيــّد ســوى قراءة شعـركـ .. تحيــاتي |
خالد الرويلي
صباحك سكر زياده سلم بوحك الرائع نص من اجمل ماقرأت لله درك وصح لسانك مودتي |
الساعة الآن 05:41 PM |
Powered by vBulletin® Copyright ©2000 - 2024, Jelsoft Enterprises Ltd.