تعال الحق على عمرك و إذا ما جيت
بتخسر قلب من حبك و حبيته ..!

يشتتني برودك و اكره التشتيت
وكم موعد وصلني منك ما جيته ..!

أنا من عادتي اوصل على التوقيت
غريبه موعدك عدى و لا جيته ..!

محمد بن شتير

امحق محبه ، ذي محبه أو شقاء
بين انكسار و جرح و هموم و عتاب ..!

ما عاد تغريني معك " لحظه لقاء "
و أكبر دليل أني أفكر بالغياب ..!

محمد بن شتير

راكب على الموج و تدور على مرسى
و الموج عالي و عينك تشكي الضيقه ..!

جرب شعوري وخاف أكثر لأجل تقسى
تليت قلبي عشانك من معاليقه ..!

أقول : أبهرب من الواقع عشان أنسى
ما اسهل كلامي ولكن صعب تطبيقه ..!

محمد بن شتير

ايه لي رجعة بعد طول الغياب
تشفي الموجوع و تسر الخوي ..!

ما لحقني هم من نبح الكلاب
لا سريت الليل و الذيب يعوي ..!

وان تعثرنا وشفت الحظ خاب
قلت حظي يا زماني ملتوي ...!

الكفو دايم حظوظه فالتراب
والردي حظه يجي دايم قوي ..!


محمد بن شتير

خطوطي الحمراء كثيره فالحياه
و أنا أفتخر فيها مع نفسي كثير ..!

ما هو عشان اشد فيها الانتباه
لكن عشان اسمي محمد بن شتير ..!

ابوي رباني عسى عمري فداه
وجدي عسى الله يرحمه فعله شهير ..!

و الادمي يولد بلا هيبه و جاه
و يعيش باخلاقه و باسلوبه كبير..!


محمد بن شتير

هو من متى حبي و حبك يخذلك ؟
يكفي تعيشنا حبيبي في عذاب ..!

مشتاق لي ، و أنا بعد مشتاق لك
و أشواقنا أكبر ، كثير من الغياب ..!

ماهوب لايق لك و لا يستاهلك
هذا الحنين اللي ملى قلبك و ذاب ..!

خايف على نفسي و خايف يقتلك
ترى مشاعرنا ماهي قد العتاب ..!

محمد بن شتير

كلامك لا سمعته يكسر الخاطر
و أحسه يا الغلا أقرب من أنفاسي ..!

تسولف لي عن اوجاعك و أنا شاعر
وكل اللي تقوله يجرح إحساسي ..!

محمد بن شتير

ما كان عادي كلامك عقب ذاك المساء
و غبت عني ثلاث شهور متواصله ..!

ماني مصدق حبيبي كيف قلبك قسى
وانت اكثر انسان قلبي كان يرتاح له ..!

محمد بن شتير