| عبدالله سماح المجلاد |
02-18-2023 07:27 PM |
اقتباس:
المشاركة الأصلية كتبت بواسطة فاطمه البلوي
(المشاركة 1221286)
كل مامريت شفت انوار بيتك طافي
اختنق بالعبره اللي تختلط بدموعي
اقترب من بابك المقفل واحط اطرافي
علني القى دوا للخاطر الموجوعي
اطرق الابواب وانده يالحبيبه كافي
ماقدرنا نحتمل غيبتك كم اسبوعي
والله ان البعد يمه باح فيني الخافي
لايطول ابك الغياب الوضع ماهو طوعي
احمد عويض البلوي
/////////////////////////"
مرحبا وهلين يالقلب الرقيق الصافي
ياوريث الطيب يانبع السخى المتبوعي
ياحصاد العمر ياثمر الحشاء وقطافي
ياول الطرح الجميل ونغمته بسموعي
ياملاذي في خريف العمر يامجدافي
في مقابيل السنين وفي ضماي وجوعي
جعلني فدوه وانا امك يالحبيب الوافي
ماخذل قلب ٍسكنه ويخدمه بخضوعي
من لفى صوت المشاعر والحنين الدافي
والله ان القلب دوبه مرتكز بضلوعي
جعلني مابكيك ياحراً على المشرافي
بالغياب اللي وسم صدري وطفى شموعي
فاطمه البلوي
|
بارك الله لك في هذا الحصاد يافاطمه
وجعله ثمرة فؤاد وعمل صالح في الدنيا والأخره
لأول مره ٱجد روعة المساجله بين الإبن والأم
لذا سيعيش هذا النص طويلا في ذاكرتي
فهو بالفعل منفرد ومتفرد ومثمر ومورد |
