:
للملح يا حلم الفقارى من ( الريش )
___ للحلم يا ملح الحيارى .. من العُمر

وقاية الميّت من .. ( إخناعة العيش )
___ ما تشبه إلا سجنتك بالقفص نِمْر !

البارحة : كنت ( الملك ) بـ الدراويش
___ رسااااااااااالةٍ ، لمْنهو ( يهمّه الأمر )

ساع الوريد يمدها صخب بشويش
___ والبرد يسرق من طرف مائها : جمر

كأنّها من عصر ( حمر الطرابيش )
___ عادت بعد تاريخها ما شِبِع طَمْر ..

قم مدني بالعقل وأسعفك بـ الطيش
___ مثل ( العنب ) بآخر تفاصيله الخمر .

بذرت كيف ؟ وحاصدٍ .. سنبلة ليش
___ حروف فرّت مثل مستنفرة : حُمْر ..

قدّيش غنينا للأحباب ( قدّيش ..
___ وقدّيش أعدنا نخلة العُمر .. للـ تمر

لا ذا الحرير الكذب بيعوّض الخيش
___ ولا ساعة الحايط تبي تعيد لي غمر

من عمري اللي ضاع يوم إنّي غويش
___ ومن وقتي اللي سال من لوحة العمر.

🌹