|
بالعامي: يوم في ابغض الاماكن ....!!
كانت الساعة السابعة والنصف مساءا من يوم الاربعاء عندما ذهبت لاحد الاسواق في مدينتي انا واخيتي التي تجهز لحفل زفافها قريبا نزلنا الى السوق وكان في استقبالنا اصوات مزعجة جدا هي بالطبع اصوات (بواري) السيارات بيب بيبببببببببببببببببببببببببببببببببببب...!! وكأن هناك مهرجان هرنات او بواري....قد ابتدأ...!!!! لكن ماساعدني واختي على احتمال تلك الاصوات المزعجة ذلك الصوت الشجي الذي اراح نفوسنا وافئدتنا....من رجل ملتحي كان يردد خلفنا....( الله اكبر الله اكبر....لااله الا الله........الله اكبر الله اكبر ...لاشريك لك).. لم يقطع هذا الصوت الا وصولنا الى محل العبايات ...دخلنا وكان المحل خالي تقريبا ( يعني ماكان عنده زحمه غريبببببببه)..المهم اختي كانت تسأل عن العباية التي تبيها...وانا ادور في المحل اشوف وش عندهم من جديد..:000: .الا تطيح عيني على بنت طبعا لابسه ومو لابسه غطا..كانت جالسه عند الهندي اللي يخيط العباية ويضبطها على المقاس...كانت تنتظر يخلص عبايتها ...حاطه رجل على رجل طويلة العمر وتسولف مع الهندي بميييييييييييييييييييييييييييييييييييياعه...انت وش اسمك..انت كم عمرك ..؟ قال وهو يضحك: خمسه تلاتين .. قالت : لا لا انت كذاب كم عمرك صديق..؟!! قال وهو يضحك اكثر: والله خمسه تلاتين.. قالت : طيب انت في بيبي..؟ قال وهو مشتشقق اكثر من الضحك: ايوا في بنت في ولد.. وهي تضحك قالت: والله صديق انت صغييييييييييييير ههههااااااااااااااااااااااي .. ماقطع الجو هذا الا وحده مرت قدامي: تضحك بصوت عال ثم قالت : في الجو غيم ..!! وهي اللي ماشية...!!! الغريب ان الاختين كانوا جايين مع بعض...!! الظاهر اخوات ..!! الاغرب كانت تمشي خلفهم امرأه كبيرة في السن .....اكيد امهم..!! احنا طلعنا من المحل ..مالقينا شي يصلح لنا..واحنا طالعين من باب المحل كان في مجموعة اطفال...طفل من الاطفال كان شديد البياض وشعره اشقر كان يقول لطفلة عكسه تمام..." انتي ليش سوده...انتي ليش سوده"..!! المهم احنا اتفقنا نروح محل ثاني...واحنا نسولف طبعا بصوت واطي...مر من امامنا او بالاصح من جنبنا...شابين اعمارهم في حدود التسعطعش والعشرين كانوا يضحكون على شي صار لهم..!! تدرون وشو ...؟ وحده من البنات اللي في السوق قالت لواحد منهم ..(ياعيني على العقال المايل)...!!!! واحد منهم كان اميل عقاله ...والظاهر لفت نظرها...فكان يقول لخويه اللي معه...( شفت البنت ذيك شقالت لي تقولي ياعيني على العقال المايل).. اختي سمعت الجمله الاخيرة وهي ماشيها ماشاء الله عليها ..المهم درنا شوي ..الا ونجد (ظاهرة كل عيد ورمضان) وهم المتسولين والمتسولات هالمره شفنا امرأه كبيرة وبحضنها طفلة صغيرة...تخيلوا برد وهواء قوي....ياحرام والله لو تشوفهم حقوق الانسان انها اتغاضى عن الامر..؟!! الشي اللي اثار كل الثوائر فيني انها كانت تسقيها من ثديها ..!! كنت والله بقولها ..يابنت الحلال تستري وان هذا مايجوز بس اختي الله يهديها قالت خليها تولي كيفها..يعني هي ماتدري..؟!!! اللي يروح يشوف العجايب بصراحه وعلى فكرة شفتوا الشابين اللي قلت لكم عنها....شفتهم يمترون السوق يدورون البنت اللي قالت : ياعيني على العقال المايل)..!!! هذي المواقف اللي شفتها في يوم في ابغض الاماكن عند الله..اعتقد كل موقف بحجم قضية . تحياتي |
* في السوق عامّةً بضاعةٌ غاليَة وَ بضاعةٌ رخيصة.. وكذلك البشر.. أيضاً..! لذا لا غرابة.. أبداً.. كل عام وأنتِ بخير.. أختي. |
والسؤال :
لماذا انتشرت - قلة الأدب - في أسواقنا ؟ لماذا يلزم الجميع الأدب حين تكون - الهيئة - حاضرة ؟ هل أصبحنا نخاف من - الهيئة - أكثر من خوفنا من الله ؟ |
هلا بك ريم مثل ماقال أخوي خالد فيه الرخيص وفيه الغالي صدقيني لا يتجرأ أحد على فتاة دونما قبول منها يوجد في الأسواق ( كلاب ظالة ) تبحث عن فتيات وتشتم رائحتها عن بعد فـ المظهر الخارجي إذا كان محتشماً والأبتعاد عن كل مايثير أو يشد الأنتباه وقبل كل شىء إحترام الفتاة لنفسها وتمسكها بما أمر به المشرع يبعدها عن هذه النوعيات من الشباب . أما ظاهرة التسول فلها مواسم ومنها هذه الأيام المباركة شكراً ريم ودمتِ بخير و1000 مبروك مقدماً لـ أختك . |
ما لقت الا هندي عاد تتغشمر معاه؟؟
اكيد خاله وشينة |
صدقت ياخالد
شكرا لمرورك |
اسئلتك بالصميم يايوسف
الله يخلي لنا الهيئة |
سلطان 2000 شكر لمروك الجميل
والله يجعلنا من هل الغالي الله يستر على بنات المسلمين |
| الساعة الآن 09:53 PM |
Powered by vBulletin® Copyright ©2000 - 2024, Jelsoft Enterprises Ltd.