|
بيتين
يذوب وجه الشمس من تحت هالشال فدوة خجلها يوم لدّت ،، وغضّت واللي نحت في خصرها نجم وهلال إن الليالي من هدبها توضّت بيتين / بقلمي |
في شفاهك كاسرٍ لون العنب لون النبيذ غامقٍ، خمري، مثل رشفة هلاك بقاع كاس حارقة كل القلوب، وسارقة كل اللّذيذ في كنفها شفّ روح، وشوق قلب، وحلم ناس بيتين/بقلمي |
ياقبلة الشعر قولي وين محرابك متى اخلع الهم عن عودي، واجي محرم وإن شحّ وصلك، شلون اتيمّم ترابك انا ترا ضعت، لا مشرك ولا مسلم بيتين / بقلمي |
في غيابك نحرت جفون عمري، وسالت حاجةٍ تشبه الدمعة، ولا ادري وشنهي يمكن تكون أماني تُرتجى، واستحالت أو هي سنين ضاعت، بس تدري لمن هي؟؟! بيتين / بقلمي |
بالامس صاب احتمال الشكّ قلب اليقين واليوم جتني من الشّيطان متعوّذه تقول: عمري،، وانا اتظاهر بأنّي حزين حتّى تكرّر نداها لي ،، وانا ااتلذّذه بيتين / بقلمي |
على وجنتي منها فتافيت سكّرها فدا عضّة ســنـيـناتها مع فتافيته تذوب الورود البيض فيها مع احمرها وانا اقول زارعة الغلا بي، ومسقيته بيتين / بقلمي |
***** ارصفة هذا المواني المتخمة بالانتظار ***** كم عليها جالسين وما رجع أيّا مسافر ***** والكراسي تحتها ورد الامل والجلّنار آآه كم فاحت برجوى شخص ما ظنّته عابر ... بيتين / بقلمي |
عزّي لقلبٍ عاندنّه ظروفه وعزّي لعاشق نام حظّه ولا نام العام كانت منوتي بسّ اشوفه واليوم غااااية منيتي رجعة العام بيتين / بقلمي |
| الساعة الآن 02:08 PM |
Powered by vBulletin® Copyright ©2000 - 2024, Jelsoft Enterprises Ltd.