السلام عليكم ورحمة الله وبركاته

صباحكم/مسائكم..حب وسلام..
وتفاؤل وإنسجام..

إليكم هذه
(( التفاصيل المنسيـّه))
عسى أن تنال إستحسانكم!!
’’’’’’’’’
,,,,,,
’’’’
,,,

حبيبي..تشـْبه الدنيا!!غمرْني مرّك الحالي
عسل مخـْلوط بسْموم الغياب وْ قسْوة سْنيني

أنا حلـْمي أشوفك لوْ للحْظه واقف قـْبالي
أكلـّمْك وْ أضمّ إيْدينك الثنـْـتين بـ ِـيْديني

أبي أسْـتشـْعر وْجودك بقرْبي يا هوى بالي
أبي أنسى معـَك كلّ الوجود أرْجوك.. نسـّيني

أبي أتـْنفـّسَك عطـْر وْعبير يْداعب آمالي
تلفّ عْطورك أرْجاء المكان وتنـْتهي فيني

تذوب طـْيوفك بْعودي وتتـْداخل معَ ظـْلالي
خيالات إلـْـتقت بالشوق فيني..ما تخلـّيني

أنا مابيك تهْديني قصايد أو ذهب غالي
أبي قلبـ ـن إلى منـّه نبض كنـّه يناديني

أبيك تكون لي عنـْوان في حلـّي وترحالي
أبيك إحْساس لو دار الزمان وْجار,, تحْميني

تعبـْت أشـْتاق لكْ وإنته كما طيفـ ـن تهيـّالي
حقيقه أوْ خيال إنسان عابر نام في عيني

على كيفك تبعـْـثرني(حروف)وْيوم تصْـفالي
تلمْلمْ باقي حـْروفي..وتسْألـْني:تحبـّيني؟؟

حبيبي ليه تسْـألـْني؟؟ وإنـْـته تدْري بْحالي
غريـْق ولا لقيْت اللي من بْحورك ينجـّيني

إذا فكـّرت تجْرحني أبأتـْراجع عن أقـْوالي
وأهدّ اللي بنيته من (جسور ن) بينك وْبيني

لأنـّك تشـْبه الدنيا مرارك للأسف حالي
قساوة قلبك تـْشابه قساوة ماضي سـْنيني

,,,,,,,,,,,,,,,

سلامتكم