10 / بالكَسْر..
تلومين الخفوق اللي بليا.. ما..تلومينه ............. يشيل من الجروح وتمتمات البين مَا يكفيهْ تصعّب واقعه حتى غدى سهل لْمَعادينه .............. وشاف أبسط أمانيه القديمة تنتهي.... للتيهْ. وش اللي يرتجيه إلاحبيب يمسك.. يدينه ............. يبي يعطيه اخلاص وْوَفا ومْناه لو يعطيهْ وصل لآخر حدودالياس وانتي .ماتعزّينه ........... تين الكون من ضلمه وفي ضلمه يجي يعزيه؟! حقيقه مرّه بواقع جرّد سيفه... وسكينه ............... حقيقه مرّه وحلمٍ يموت ولالقى..... راثيهْ. تبين أكثرمن اللي قلت وش اللي ما تْعَرْفينه ............... أبكتب من شعور يسقي الضامي ولايرويهْ أمارس طيشي بغربه وقلبي عاف توطينه ............... غريبٍ يدعي المنفى ومنفى تاق له يدعيه أحب بكل مافيني شعورٍ صعب.... تَخْمينه ............... أحاسيسٍ لها روح الغموض.. بكل ما يعنيه أحب واعشق ولي قلب صار الحب تكوينه ............. يموت بكل لحظه ينتهي به حب.. ما ينهيه بعد هذا تلومينه....بليّا .......ماتلومينه ............. يشيل من الجروح وتمتمات البين.. مايكفيه! |
الله يسعد قلبك ياعادل قصيدة تحكي بهدوء بالغ لتصل للقلب وتستوطن الوجدان دام رقي حرفك وأهلاً بعودتك |
. . والله يسعد قلبك أختي العنود. هي محاولة للبوح والغناء بعيداً عن الضجيج جاءت على هيئة قصيدة هي الآن أمام أعينكم. ولا تقلقي فمن يشرب من ماء أبعاد لا يهجرها أبداً. :) كل الشكر لكِ أختي. |
بداء ملام / عتاب دافيء أسهب إهتمام / للمتبقي منه تمنى الوئام حقوقك مشروعة ودمت بخير |
عادل البدر ها انت تعود كا البدر كعادتك تزين سما ابعاد برائع حرفك صح لسانك خالص ودي صالح الثبيتي |
* عادل بدر: كُنْ قريباً../. فأنتَ تُطْرِبني.. حَدّ البهجة.. بعيداً عن الأصوات العالية.. تأتي بهدوء.. لِتَكُون أنت: أنت.. شُكراً.. كثيراً../. لك. |
الغالي عادل البدر جميل هذا البوح دام نزفك وطاب عزفك تقبّل ودي وتقديري اخوك محمد |
يابدر الشعر
ابدعت لحد يفوق الابداع تحياتي |
الساعة الآن 08:04 PM |
Powered by vBulletin® Copyright ©2000 - 2024, Jelsoft Enterprises Ltd.