|
بُعد آخر !!
,
هنا سيكون الشعور حكي .. والشعر صمت !! هنا زحمة حروف مبعثره .. وشفآه خرسى !! + الشعر بالآخر حكي !! يبقى حكي .. لو أنّه أحساس وشعور موقف يمر / يحتاج نبض وعاطفه .. والعاطفه أنواع .. على حسب : أحيان وأحيان وأحياناً خداع !! أفكار .. تتخطى هالأسوار والشعر بالآخر حكي وأهل الحكي تجّار .. جالس يبيعون الكلام !! شعّار أحدٍ خسر وأحدٍ كسب .. أحدٍ نجح وأحدٍ رسب .. وأنا بعد من ضمنهم شاعر وأهيم بكل واد !! ومركزي مابين الأول والأخير .. وبالأخير : الشعر ياسيْدي حكي .. مابي تواخذني عليه !! . |
فُستان !!
, كل فُستان .. يتمنّى ترتدينه ! مدّلك من قبل يدّينك يدينه !! كنّه طفل .. وأنتي أمّه ! يوم شافك .. شافبك كل والدينه !! وش يهمّك .. لو يضمّك , لو يشمّك ؟! فيك من يقدر يلومه ؟ ووش يدينه ؟ دام جسمك مملكه للحسن !! وعاصمتها كل مدينه فيه .. وأنتي صاحِبْة الجلاله !! حظ فستانك .. ولاأدري وشهو دينه ؟ دام ماميّز حرامه من حلاله !! أرتديني مرّه بس .. زيّ الثياب !! وساعديني .. أخنق أنفاس الغياب !! وأرتديك .. وأطلع بوجهي الحقيقي !! للمدى , للصبح , للناس بطريقي !! ملّني جلباب صمتي صبر | وأحتاج لفرج ! فاقدك .. وأكثري , مثلك فقدته !! ياعسى ثوب السعاده والهنا ماتفقدينه ! من متى وأنا أقيس الأقنعه في عز ضيقي ؟! وماصلحلي غير هذا .. وهذا يشبهني , وذا يشبه رفيقي !! وأنتي خلّي اللوم عنّك والعتاب ! صاحبك .. مسجون بالغربه ويحتاج باب !! . . . تساعدينه ؟! هذا يوم أنّك نحيفه ! وهذا يوم أحنا أفترقنا , وأكتأبتي .. وصرتي شويّا بدينه !! وهذا أوّل مارجعنا لبعضنا شفته عليك !! وهذا اللي كنت أحبّه .. هذا قلتي : ما أحبّه , رغم أنّه كان أنيق ! بس عشان وحده تلبس ثوب زيّه | وأنتي كنتي تكرهيها !! وهذا أذكر يوم أوّل مرّه شفتك .. كنتي أنتي ترتدينه , يرتدي الحين : الحنين , الوله والذكريات ! وهذا باقي مالبستيه | أشتريتيه ألّقانا !! شفتي .. ضيّقنا أصدقانا ؟!! يوم أنا أحسد أماني .. وأنتي خالد تحسدينه !! إذا للحين ماتدري .. فساتينك , ترى دولابها صدري !! . |
ماعلى الدمام مطر !!
, ماعلى الدمام بغيابك مطر !! لو غسل حزن الشوارع والدروب !! أكتبي من رجعتك أوّل سطر نفسي أغرق في تفاصيلك وأذوب !! . |
نامي !!
, نامي وأنا مثلك بنام .. يمكن بليله نلتقي ، لو مرّه بالأحلام !! وتخيليني بعد .. غافي بجنبك ! وأبيك تتخيّلي : أنك تضمّيني ، وبس داري شعور مخدتك ! مدامها من ريش ... ضمّيها بس بشويش !! هذي المخدّه مو أنا ! ياذا العنا ، أنا هِنا وحيد وأنتي تشتكي حبيبتي من وحدتك ! إذا فقدتيني فقدتيلك أنسان يحبك أكثر من حياته وروحه ! يزعل عليك أحيان ويسامح أحيان ماهو بغامض لو جهلتي وضوحه !! وإذا جرحتيني ترا الشغله أدمان حبيبك أصلاً ممتلي من جروحه !! تعلم يعالج همومه بكتمان حتى ولو أن الملامح فضوحه ! أكثر بعد غيبي ! وناديني بلحظة حنين : حبيبي ، حبيبي .. ولاتحتري مني جواب ! مثلك أنا غايب ! لكني مدري وين ؟! ولو يوم أنا رديت ، أو جيتك ورديت .. أكذب على نفسي !! أصلاً ولا ظنيت اللي مضى يرجع ! أو أننا نرجع أحباب زي أول ! أقسي بعد أقسي .. زيدي عليّ أعتاب ! في هالزمن منهو مو قاسي ؟! من أحباب ؟! حتى أنا وأنتي ، ما عادنا أحباب !! . |
قشعريره !!
, أي مكانٍ يشعرك بالقشعريره ؟! والله أني مشتهي برقه أبوسه ! بس خايف بوستي تصبح كبيره بعدها كل دم بعروقك أحوسه ! علميني دام هالدنيا صغيره ليه ماشوفك ؟ وأيامي عبوسه ؟! وعلميني ياشذى الورد وعبيره ليه خلك أنحنى بشويش قوسه ؟! ومنهو خبّى سرك البارح فبيره ؟! وعلّم العشاق والدنيا طقوسه ؟! ومنهو فينا ضيّع الفرصهْ الأخيره ؟! ومنهو حاول دربك الموحش يقوسه .. بألف آه وألف دمعه وألف خيره وألف عزّه لو بغى هجرك يدوسه ؟! ياعروس البحر مدري يا أميره يا أميرة هالمدى لا ياعروسه جيتي البارح مثل نظره كسيره مثل همٍ طوّل بصدري جلوسه ! رغم أنك داخل أعماقي أسيره بكل نبضة قلب وأحساس مغموسه ! أي مكانٍ يشعرك بالقشعريره ؟! والله أني مشتهي برقه أبوسه !! . |
أوكسير الفرنسي !!
, أجمل خبر بين الخلايق تسرّب لو سبّب لبعض الخلايق طواري !! واحد حسود وألف واحد مخرّب يبطون ماشافوا هبوط أضطراري !! الذيب بـ أوكسير الفرنسي يدرّب وغيره عجز حتى يدرّب حواري !! حنّا معْه بـ أرواحنا لو تغرّب يبقى هو النجم الكبير الحضاري !! ( ميرسي ) مايحتاج حتى تعرّب شكراً من الأعماق وأن كنت داري .. أنك تبي من أيّ شكراً تهرّب لأن فعلك شي ماهو أختياري !! أسمٍ من الانجاز ياما تشرّب ولا جا مجاله كل أبونا نماري !! ماهو الهلالي بس , الكل جرّب مواقفك ياللاعب الأنتحاري !! تبي الصراحه عاد ياذيب قرّب بقول شغله وأنت عارف وداري : المنتخب لو يوم قدّته مدرّب معاك يرجع للمنصات ضاري !! بعد أعتزالك جد شرّق وغرّب أصبح هبوطه للأسف أضطراري !! . |
أمسية شعرية بجمعية الثقافة والفنون بالدمام
. بسم الله الرحمن الرحيم بمناسبة شفاء خادم الحرمين الشريفين الملك عبدالله بن عبدالعزيز حفظه الله يسرّ جمعية الثقافة والفنون بالدمام ممثّلة بلجنة الشعر الشعبي والتراث دعوتكم لحضور فعاليات الأمسية الشعرية اللتي يحييها كلاً من الشعراء : معيض بن شملان اليامي رحيّل الوهبي سلطان المسلط وسيدير الأمسية الشاعر والإعلامي : ناصر بن حسين وذلك في مسرح الجمعية الواقعة أمام البوابة الجنوبية لمبنى التلفزيون بالدمام على طريق الجبيل السريع يوم الأربعاء 27 / 2 / 1434 هـ وتبدأ فعاليات الأمسية في تمام الساعة 45 : 8 ويتخللها عرض لإحدى الفرق الشعبية بالمنطقة إحتفاءً بهذه المناسبة الغالية والدعوة عامة مشرف لجنة الشعر الشعبي والتراث بجمعية الثقافة والفنون بالدمام فلاح العماش . |
| الساعة الآن 10:59 PM |
Powered by vBulletin® Copyright ©2000 - 2024, Jelsoft Enterprises Ltd.