على جدار الوطن..
 

مساء الخير يا سادة...

على جدار الوطن ...
.
.

هذاالوطن ..حنا..بحضنه ربينا..
وياما على رمضا.. رماله..ركضنا..
هذا الوطن غالي .. ومنا وفينا..
ولولا.. عطاه..وطيبته..ما.. نهضنا..
ياما على.. عرسه ..وفود..التقينا ..
ولجله.. تشابكنا.. اليدين..وعرضنا..
نغليه ..لو ..وارى ..ترابه..حدينا..
ولو زاد في ضيمه لنا مـَ اعترضنا..
حنا.. على نفس الوفا..ما نسينا..
ولو ينقض.. عهوده لنا.. ما نقضنا..
وافين بس.. الدرب اظلم.. علينا..
ودار الزمن ..فجأه بنا.. وانتهضنا..
زادت مصاريف الحياة ..وشقينا..
والتاجر..احفانا.. وزوّد .. مرضنا..
اسعارنا.. طارت.. وحنّا .. حفينا..
والراتب..ان جانا..عليه.. اقترضنا..
يا سيدي.. حنا.. بدربك.. مشينا..
نعطي ولو شان ..الزمان ونفضنا..
عودتنا.. مد.. الكفوف ..وضرينا..
ولو تتّعظ.. كل البشر .. مـَ اتعظنا..
حنا.. بشرع الله.. ودينه..رضينا..
وان حظنا قصّر على الله.. عوضنا..
ما خفنا من خبزٍ يبس في يدينا..
خفنا.. نجوع اكثر ..وناكل.. بعضنا..

فرحان الصعب.

فرحان

أسكرتنا شعرًا
وثملنا

أدرك |أن للشعر عندك معنًى آخر مختلف

تقبل ودي وأكثر

ربي يخلي الإوطان لأهلها
وتعود الروابي خالية من الهوا المسموم
ربي يسعد الأوطان وأهلها
ويعود الثمر بعد ما كان مسروق

الف شكر اختي منتهى القريش وتشرفت بمرورك ..

ألف شكر أخي عبدالأله المالك وتشرفت بمرورك ..
وأنت مختلف أيضا برقي كلماتك وجمال أسلوبك..

محبتي ..

صــح بــوحــك ... وطنيه جميله

خفنا.. نجوع اكثر ..وناكل.. بعضنا.
خفنا.. نجوع اكثر ..وناكل.. بعضنا..
خفنا.. نجوع اكثر ..وناكل.. بعضنا..

لله در الإبداع شكرا لك