وطن من سراب
 

http://www.youtube.com/user/rawassy#p/u/2/2_xNZ7rI-cQ

وطن من سراب
لقلوبكم بعد الغياب المرير

[poem=font=",6,black,bold,italic" bkcolor="transparent" bkimage="" border="ridge,10,red" type=2 line=0 align=center use=ex num="0,black""]
ياشمس هذا الكون ياشعلــة النـــور = ياطهر الأرض وكل منهو عليــها
لوتنظرين بداخلي إنســان مكســور = حلمه وطن به مهـــرةٍ يعتليهــا
أحيان أغيب ويصدم الصمت جمهــور = والمعجبات اللي وروده بيديهــــا
هربت عن واقع مزيف ورى الســور = رمى الأماني وجيت لك تحضنيــها
لين إنصدمت بجنةٍ مابها حـــــور = إلا كراسي وألف خاين عليهــــا
جنة سلام وعمقها معتنق جــــور = كثرت مساجدها ولحدٍ يجيهـــــا
جيتك وفيني يختلج أبيـض شعــور = طهر الزمان ودمعتين أمسحيهــا
أطهر أماني نجد أحلامها تثــــور = لو وزعت فالأرض ماتحتويهـــا
عبرتها عابث على دبي مغمــــور = أدور اللـي أجهـل إني أبيهــا
ياشمس قلبك معبره عشرة سطور = وردت على شريان وصلك خذيهـــا
ماعاد لي في نجد غرفـه ولادور = فيها القصور وعاجز إني أشتريهــا
مجبور أعايش واقع الظيم مصهور = وأنتي الظـروف القاسيه تعرفيهـا
وأنا مجرد حر عايش ومقهــور = قصة سجونه لافرغتي أكتبـيهــا
بالمختصر ياشمس واقف بطابور = ولا أقدر أشري لنفس ماتشتهيـهـا
لأجل كذا قررت أبحث عن النور = وإليا صدفــتي جثــتي كفنيــها[/poem]

عادل الظفيري