!.. عرش مملكه ..!
السلام عليكم ورحمة الله وبركاته مساؤكمـ رضا من الرحمن .. أخذتني الدنيا بعيداً عن الشعر وفي صدري كلام لايخرج الا مقفى !! فـ هاهي الأوراق تنحني تحت قلـمـٌ عـاد للكتابه ..! لعلها تنال الاعجاب .! . . يطق الباب لي ويدخل بلا إحم وبلا دستور يجي من عرش كرسيه يقاسمني على فتاتي . . لأني ساكت بهمي ومتجمع على التنور أعد أيام عشناها وأخربط في حساباتي . . وعيني ماغفت ليله سبابيب دمعي المقهور حفر مجرى له بخدي يتمتم من عباراتي . . وعد منساك لو ينسى نظر عيني شعاع النور وعد لادونك ذكرى على جدران أبياتي . . وعد قلبي لك أحفظه محنط لك بليا شعور لعل فيوم نتلاقا تحس بثقل مآساتي . . توادعنا على الذكرى وحفظ العهد بالدستور بكينا قبل لانمشي ، دموعي ترسم خطاتي . . أحبك ليه ماحبك وإذا شفت القهر بالدور آلآقي صدرك ينادي عليه أهل دمعاتي . . خدمت فعرش مملكتك ثلاث سنين سبع شهور تنام عيون حراسك وعيني مالها امباتي . . وعشت بمدك وجزرك تحملت الأسى والجور لجل خاطرك ياريس أغصغص منك عبراتي . . جزا المعروف ياريس أوقّف آخر الطابور وتجي من عرش كرسيك تقاسمني على فتاتي . . خساره سنين بك راحت وماتت مثل عمر زهور ولا حسيت بي أذبل ، أودع فيك لحظاتي . . أنا ماجيت لك نادم ولاني جاي جسر عبور كلام يدور في صدري رفع أعلام راياتي . . شهادة حق بكتبها شمالي والشمال صدور وأقول اللي جرحني منك ورتل فيك آياتي . . لو إنك قبل ماتامر وتاخذ حقي الميسور طلبته من وسط بيتي .. عطيتك كل رغباتي . . ترى كان الأمل باقي تبات بعشها لطيور إلييين اللحظه اللي جيت تقاسمني على فتاتي . . سـلام الله مني لك من اللحظه لـ مـد عصور وعشٍ كان عندك لي هدمته قبل لاتـاتي . . أنا مابيع من يشري ولا أشري من يبيع زهور فنيت أحلامي بــ عرشك ولاهي تهمك رضاتي . . حدود الموطن اللي كان وجنسيه وكرت مرور بتبقى للذكر يعني .. قبل لالملم شـتـــاتي . . يانجم سهيل لو ترحل ترى هذا الفضا مهجور تراب الأرض لو يشعر عليه أهل عبراتي . . أغلف لك سـلام الله بـثلاث سنين سبع شهور سكنت فـ صومعة عرشك وجيت أكفـر اخطاتي . . لكـمـ كل الإحترامـ لوعة الشوق 17/9/1429 |
تُطلّ لوعةُ الشّوق بِنصّ ينهمر كنسيمٍ خاطِف .. وتدفعُ بِنا إلى عرشِ مملكتها .. لـ نسرح في بلاطه .. رغم غلالة الحزن الموشومِ بِها اقتباس:
اقتباس:
ولا يُلغي ذلك جمال النص ../ أبداً شُكراً تليقُ بِك . . |
اقتباس:
شكرا لمرورك وتعليقك السريع عزيزتي جمان تعليقك مرحب به جداً .. ولكن أنا دائما ما أتكلم بهذه الصيغه أتكلم عن نفسي كـ روح ولست كأنثى أو رجل ..! جئتُ للتوضيح فقط عزيزتي ولي عوده للتعليق ..! لك كل الاحترامـ لوعة الشوق |
لوعة الشوق .. تحركت لها / بها .. مشاعـري .. هذا الشعر مستخلص من شعور صادق .. ترتبه روح مرهفه .. ومفرده عذبه .. ! ودّي لقلبك .. |
لوعه الشوق
نص رائع صح لسانك كل التقدير |
تواعدنا على الذكرى وحفظ العهد بالدستور
بكينا قبل لانمشي دوعي ترسم خطاتي صح لسااانك تقبلي مروري وإعجابي |
/ \ لوعة الشوق تحركين الساكن فينا ويعبث حرفكِ الجميل في احاسيسنا فتجدينا .. بين الفينه والأخرى ندمن قراءتك / بعمق :) صح لسانكِ نَ |
يطق الباب لي ويدخل بلا إحم وبلا دستور
ـــــــــــــــ يجي من عرش كرسيه يقاسمني على فتاتي يكفي هذا البيت يالوعة يشهد بإنكِ رائعه جداً قصيدة بإكملها رباب شعر وشاعرة تستحق االمتابعة كل عام وانتي بخير ومساوردي |
الساعة الآن 03:37 PM |
Powered by vBulletin® Copyright ©2000 - 2024, Jelsoft Enterprises Ltd.