قالو لي سولف
 

السلام عليكم ورحمة الله وبركاته


اتمنى ان تصل هذه الابيات الى ذائقتكم والشكر لكل العابرين,,,
[poem=font=",5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]


من ضيقتي عديت روس المشاريف=وخليتها عن ضيقة الصدر مدهال
رحلت شقا وصلت لحد المياهيف=راحت وجات ولامست بطن الاهوال
زام الولع يضفي عليها التكاليف=سهر وشقى وارهاق واقفاي واقبال
والعشق ما يرحم قلوب المواليف=لو هو عليها له مكانه ومنزال
قالو لي سولف قلت ما من سواليف=ماني مسولف دامني ضايق البال
يحدني للشوق بيض الاطاريف=واللي سكن قلبي غرامه ولا زال
وانا بلاي من الثمان المراهيف=ويحدني يم البلا حبة الخال
وانا بلاي من الرموش المهاديف=ليلٍ غطا الوجنات وطوال وثقال
وانا بلاي اللي يفوق السراجيف=وخصرٍ صخيف وملمحه شي وهبال
وانا بلاي البارزات الوقاقيف=من حدرهن فيّن عن الشمس وظلاال
وانا بلاي من الغلا والتواصيف=غلاه محرقني والاوصاف زلزال
واتلا الخبر يوم الاحد با العواصيف=ثنين وثلاثين اربعه والف شوال
من عقبها كل السعاده تناتيف=واخاف جور البعد يقضي على الحال
قالو لي سولف قلت ما من سواليف=ماني مسولف دامني ضايق البال
[/poem]

رائعه كروعة حضورك
سعدت كوني اول الحضوره هنا
دام ابداعك

مرزوق الرمالي

قوة مفرطة في السبك والحبك ..

دمت بكل ود وخير