قالت تعبت من السهر قلت نامي
 

إلى القلب الذي احتضنني بالحب ولكل قلب يمتلك الحب الصادق هذا الطاروق الشمالي البحت
[POEM="font="Simplified Arabic,5,white,bold,italic" bkcolor="black" bkimage="" border="none,7,gray" type=2 line=0 align=center use=ex num="0,black""]قالت سلام وقلت حيّ السلامي=قالت وِصَلْت وقلت حي المواصيل
قالت وش المطلوب قلت اللثامي=زتّيه عن ثغرٍ مورّيني الويل
شيليه عن جمرٍ يثير اهتمامي=وجمرة شفاتك تتعب القلب بالحيل
باقول ماقاله رشيد الزلامي=بعض الغلا يفني قلوب الرجاجيل
يا للي خذيت الحسن نجدي وشامي=يامملكة روعه ويافتنة الجيل
قالت وش اسمي قلت قصة غرامي=واسمك عذاب،جروح،حيره،غرابيل
لك في ضمير المبتلي عشر اسامي=وفي كل يوم اجدّد العشر وازيل
قالت مقامي قلت باعلى مقامي=أقدّرِك تقديراهل مصر للنيل
حبّك حلال وحب غيرك حرامي=ياموطن الفتنه عديم التماثيل
عن حب غيرك قلب مغليك صا مي=ومن ينزله بَعْدِكْ نهارين ويشيل
لاغبت عن عيني تزايد هيامي=واسهر رفيقي بالسهر نجمة سهيل
ولا بان زولك يا ظبّي العدامي=جتني من كفوف السعاده مراسيل
حبّك جرى بين اللحم والعظامي=الصدر وادي والغلا داخله سيل
قالت بَعَدْ ، قلت البدر في ظلامي=لولاك ياشين السنين المقابيل
قالت بعد،قلت العتب والملامي=ماتسمعه منّي على العدل والميل
أسقيك من كف الغلا وانت ظامي=واعطيك صدق الحب ماهوبتمثيل
قالت بَعَدْ، زدني بعذب الكلامي=قلت الغلا يصعب على القال والقيل
خوذي غلاقلبي ولمّي حطامي=وضمّي خفوقي بالرجا والتساهيل
قالت حبيبي قلت والقلب دامي=يابنت شفت بحبّك انتي تهاويل
قالت تعبت من السهر قلت نامي=على ذراعي وارقدي باقي الليل
قالت بردت وقلت شبّي عظامي=خلّي سناها مثل نور القناديل
ونامت وانا خلّصت ميمي ولامي=قصيدةٍ غنت لعينه مواويل
هذي خلاصة ليلتي مع مرامي=ومرام هي طب القلوب المغاليل[/POEM]

عبد الله
يسعد مساك

ويسعد مسى ميمك ولامك
وغرامك ومرامك

أكثر من كذا عبث

جوري لــ قلبك / حبك

شمالية كايفة

صباحك سرور وشعر