يالحبيبه مابقى عمر ..عمر ..! الا مر
 

[poem=font=",5,blue,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
لو مأنتي كنتي نور ..في عالم الليل=ماكان جيتك ليل ..في عالم النور
شرب المصايب ..مثل شرب الفناجيل=دستوركم ..وانا كذا ..دون دستور
أبني مدائن غيم ٍوسط التماثيل=يدور فيها الفكر ..ويدور ..ويدور
كنت ِ لي فيها شجرة ٍ لي تضاليل=وكنت بظلالك ..أصدح الصوت عصفور
وكنت ِ كما انتي ..نافلة كل هالجيل=بالذات لاجيتي لي والشعر ..منثور
وكنت ..بحضورك ..اعصير الغيم واخيل=برق يقول الغيم ..هالحين معصور
وكنت أكتبك بالغيم ..تاريخ للجيل=حتى قراك الجيل ..بسطوري سطور
كانت مدائن غيم ..لو غيمها قليل=فيها ..لقيت الصدر ..كم لملم صدور
وكنتي بها الماء ..والسماء ..اخر الليل=واخر بنات الانس ..تتشبه بحور
وكنتي بها الماء والنفس ..والمناديل=لالامسة ..ماطر سماء دمعي بزور
وكنتي بها ..اللي مايشبه ..بتفضيل=مافيك عن مافيهن ..بشوق ممطور
احيان ..فيها ..عاش كل التفاصيل=واحيان ..عاشته التفاصيل مقهور
كان اوله ..يسأل سوال ..المهابيل=قولي من إنتي ..مابقى اي محضور
وجاه أخره ..فرقىٍ ..تهدهد بها الحيل=الين عاش الصدر في داخل الزور
يافلوة ٍ جتني تفرد ..عن الخيل=ما للخيول اليوم من بعدك ..شعور
ياحلمي ..اللي مات حلم وتأميل=مامني قصور ٍ ..ولا منك قصور
علمتني ..كيف السهر والتعاليل=وعلمتك شلون السهر ..حلم منحور
وعلمتني ..وش تعني كلمة بهاذيل=وعلمتك شلون البهاذيل بالدور
يافلوتي ..جف الحكي ..بالفناجيل=وفنجالنا ..ماهو عن البن ..معذور
امى تجين ٍ بروح فلوة مثل سيل=مر الفياض اللي لها اعوام في بور
وقش بمسيله كل هم ٍ حمل ويل=وانبت بداله يامها ..عمري زهور
والا ..ترى ما عاد ..بي حمل للشيل=الضهر من طول السهر صار مكسور
امى تجين ٍ بكل نورك ..مع الليل=والا أتركيني بليل ..ليلك ..بلا ..نور[/poem]

.

.

.

[ فَهد الْغبيّن ] ../ ويَظلّ عُمر الْشِّعر زَاخراً بِك .. مُحتَفيّاً بَ الْنَقيّ الْمُنساب
مِن قَلْبَك كَ خيّوط نُور ../ شُكراً عَاليّة عَلى كُلّ هَذا الَكرم وَ الْمَطر ,

http://www.qamat.net/vb/images/smilies/a36.gif

.

.

.

فهد الغبين


صح لسانك على هذا النص الجميل



لك ودي

عطر الجنة

حضورك شرف لحرفي فشكرا لك

دمت بود

جمان

حضورك هو النور فشكرا لك


دمتي بود

فهد الغبين
رائع واكثر
تقديري