|
خاطري عصفور... تفعيلة
خاطري عصفور . *** خاطري لا ضاق عصفورٍ حزين ...........لاذ في جوف الغياب في صدى صوته سؤالات وأنين ...............ما لها فيني جواب عن وطن كان وتهدم عن فؤادي اللي تحطم وعن حبيبي وين راح ووين هالقسوه تعلم *** وجهه اللي كان لي بسمة مساي ................عاد دمعه بالعيون وغيثه اللي كان ما يفارق سماي ..............صار أبخل ما يكون جفت جفون السحابه واحرمت روحي الكتابه غيثها اللي كم أبيه يااااه كم طول غيابه *** لي حبيبٍ راح والدنيا معاه ..........راحت وخلّت أثره مثل وشمٍ ما يفارقني غلاه .......وذبت أنا شوقٍ بثره غابت العين الحبيبه وانغمس قلبي اف نصيبه واشتكى برد الجفا والبكا عيا يجيبه *** ليتني منه تعلمت الغياب ...............وما تحسست السنين كنت ابزرع مهجتي بارض العذاب ...............واعشم القلب الحزين بالمسرات القديمه اللي كانت به مقيمه لين جا واعلن جفاه وشتت الفرحه اليتيمه *** قصر طيفه شامخٍ بي لا يزال .............يبتسم وسط الرماد كان يا ما كان في دنيا الخيال ................به ينام السندباد الف ليله في فؤاده دقت طبول السعاده وعاد تبكي شهرزاد تشكي الحزن اف رماده برهان المناصير |
الله الله يا أخ/ برهان
نص راقي و عميق تفعيلات ذو إطار هندسي فخم و الأفخم في محتواها الصادق و فيه سلاسة كأنها تقاسيم على أوتار القلب سلمت الأنامل بالظبط هذا ما أبحث عنه تحياتي |
غنائية تفعيلية رائعة
إرهافة شعرية نبضات شاعر متمكن من أدواته الشعرية ومن خلال مختلف القوالب الشعرية حييت يا برهان |
معزُوفَة شعريَّة وذَائِقة مُترفَة بِحق رائِعةُ هَذَا الفَجر !
يِصح احسَاسك يابُرهان . حماك الله http://www.albrens.com/vb/uploaded/4563_1251393963.gif |
روعة إبداع غير مستغرب منه
سلم اليمين |
اقتباس:
كم أسعدتني إشراقتك العذبة هنا أشكرك من كل قلبي على رقة حضورك وجمال مرورك الذي أسعدني بحق |
اقتباس:
أدخل بها وأجد اسمك الغالي أشكرك من كل قلبي على رقة حضورك وجمال مرورك دكتورنا الغالي |
اقتباس:
كم أسعدني هطولك العذب الذي ابتسم له البنفسج أشكرك من كل قلبي وصح كلك |
| الساعة الآن 11:13 AM |
Powered by vBulletin® Copyright ©2000 - 2024, Jelsoft Enterprises Ltd.