خوند المزايين
 

والله أحبك فوق حب المحبين
ووالله أذوب بنظرتك ياحبيبي

انت الذي تجري بدم الشرايين
يالهفة النبضة ودمعة نصيبي

تلعب بروحي ياخوند المزايين
وانسى بحنانك يابعدهم حليبي

لذة غرامك ماوعتها الدواوين
ياللي غرامك شي مذهل غريبي

والاجمالك طعمته كنها التين
والا على ماقيل :قرط الزبيبي

حطم قلوب معمرين الغلاوين
ياليوسفي فيك الجمال العجيبي

لاهبهبت ريحك تصحي المجانين
مسك الطهارة مع انفاسك عذيبي

كنا أنا وياك غصن (ن) بفرعين
لكن غراب البين زاد النعيبي

بعدك وضع قلبي مكان النياشين
ولافادني وني وكثرة نحيبي

من باحلك قتلي بدين المحبين
ووالله أنا مسلم ولاني صَليبي!

كريم العفيدلي