منتديات أبعاد أدبية

منتديات أبعاد أدبية (http://www.ab33ad.com/vb/index.php)
-   أبعاد الهدوء (http://www.ab33ad.com/vb/forumdisplay.php?f=4)
-   -   يمكن تغيرت ..؟ (http://www.ab33ad.com/vb/showthread.php?t=40917)

محمد بن شتير 07-09-2019 02:02 PM

يمكن تغيرت ..؟
 


،


غيرتني ؟ ما أدري أنا اللي تغيرت
أنا تراني صرت ما اشبه لذاتي ؟؟

أثرت فيني و البلاء ما تاثرت
و أتعبتني فيما بقى من حياتي ..!

محمد بن شتير

محمد بن شتير 07-12-2019 11:39 AM



،


ما بين لقياء من أحبه و فرقاه
يبان علم و باقي العلم مخفي ..!

الله حرمني شي لكنه أعطاه
اللي كشف قوة حبيبي و ضعفي ..!

يا ما اضعفه من قبل و الحين ما اقواه
و مهما و صفته ما يوفيه وصفي ..!

من يوم فارقني و أنا أدعي الله
يا رب ترحمني و رحمتك تكفي ..!

محمد بن شتير

محمد بن شتير 07-14-2019 10:50 PM



على حجم الشعور اللي يجيب الياس
مصير الليل يرحل لا اشرقت شمسه ..!

تقول الناس والاّ.. ماتقول الناس
ترى الأنسان يعرف نفسه بنفسه ..!

محمد بن شتير


محمد بن شتير 07-14-2019 10:51 PM





دام ناوي تبتعد خلك صريح
و ابتعد من قبل تفقد هيبتك ..!

لا تدور لك عذر ماهو صحيح
لاجل مني تعتذر عن غيبتك ..!

محمد بن شتير


محمد بن شتير 07-15-2019 11:35 PM



،

عن كل حاجة صرت احب الابتعاد
و أحب صمتي في زمان الثرثره

ما اشوف همي يشبه ل/هم العباد
واضحك على تفكيرهم و استحقره

ما ادري تشماتي غضب و الا انتقاد
و يمكن خروجي عن حدود السيطره

أوقات قلبي صلب و اقسى من جماد
و أوقات قلبي أي حاجه تكسره ..!

محمد بن شتير

محمد بن شتير 07-21-2019 09:40 AM




لا يخدعك حب التملك و يعميك
مكه تراها ما هيب لاهل مكه ..!

لكل مسلم حق في بيت واليك
و قلبك من اللي يتعب النفس زكه ..!

و اذا دعيت الله علشان يعطيك
لا يدخل الشيطان و تجيك شكه ..!

من قبل ما ترفع لربك اياديك
مفروض باب الياس بايدك تصكه ..!


محمد بن شتير


محمد بن شتير 07-21-2019 10:11 AM




يا سماء الطايف و مكه و الحجاز
كيف ما يشتاق لك قلبي و احن ..!

وكيف ما اشعر بالفخر و الاعتزاز
دام روحي تنتمي لاغلى وطن ..!

محمد بن شتير



محمد بن شتير 07-22-2019 11:13 AM



كل يوم اصحى اذا دق المنبه
والبلا لخبطت في توقيت نومي ..!

لخبطة نومي ماهي من دون سبه
كلها باسباب من ضيع علومي ..!

كل اموري قبل اشوفه مستتبه
وانقلب حالي و زادوا فيه لومي ..!

جعل يومي قبل يوم اللي احبه
و من كرهته جعل يومه قبل يومي ..!

محمد بن شتير



الساعة الآن 12:30 PM

Powered by vBulletin® Copyright ©2000 - 2024, Jelsoft Enterprises Ltd.